E ardhmja e Xavi Simons tanimë është konfirmuar dhe ai do të qëndrojë për një tjetër vit në Bundesliga.
Mesfushori holandez do të vazhdoj të mbetet pjesë e skuadrës gjermane RB Leipzig ku ishte i huazuar edhe vitin e kaluar nga Paris Saint Germain.
Parisienët kanë njoftuar se Simons është huazuar te Leipzig për një edicion, por klubi gjerman nuk do ta ketë të drejtën e blerjes.
“Mesfushori holandez Xavi Simons është sërish i huazuar pa opsion blerjeje te RB Leipzig për sezonin 24-25, pas një viti bindës me skuadrën e Bundesligës në rezultatin 23-24”.
“Paris Saint-Germain i uron Xavi një sezon të mrekullueshëm me RB Leipzig”, thuhet në njoftimin e klubit parisien.
Simons ka shkëlqyer sezonin e kaluar me Leipzig, derisa ai ishte në listën e dëshirave të top klubeve evropiane si Bayern Munich, Manchester United dhe Barcelona.