Shkup, 10 shtator – Prokuroria Themelore Publike për ndjekje të krimit të organizuar dhe korrupsionit hapi lëndë pas ngjarjes tragjike që ndodhi në qendrën për kovid në Tetovë në të cilën humbën jetën 14 persona.
Nga Prokuroria Publike e Maqedonisë së Veriut pasdite njoftuan se sot në Zyrën për prokurime publike dhe te Ministria e Punës dhe Politikës Sociale është dhënë urdhër për sigurimin e dokumentacionit të përgjithshëm lidhur me ndërtimin e 19 spitaleve modulare.
“Procedura është në drejtim të kontrollit të zbatimit dhe realizimit të prokurimeve publike për ndërtimin e spitaleve modulare në shtet. Për atë qëllim, sot deri te Zyra për prokurime publike, dhe Ministria e Punës dhe Politikës Sociale është dhënë Urdhër për sigurimin e dokumentacionit të përgjithshëm lidhur me ndërtimin e të gjitha 19 spitaleve modulare. Dëshmitë materiale të mbledhura do të jenë lëndë e analizës në drejtim të konfirmimit nëse dokumentacioni për prokurimin publik të zbatuar korrespondon me dokumentacionin teknik për këto objekte”, informuan pasdite nga Prokuroria Publike.
Prej atje shtojnë se Prokuroria Themelore Publike për ndjekje të krimit të organizuar dhe korrupsionit do të ndërmarrë edhe veprime tjera për mbledhje të dëshmive me qëllim që të konfirmohet gjendja faktike.