Publikohet ‘traileri’ i filmit biografik të Princeshës Diana – “Spencer” do të dalë në kinema më 5 nëntor

Që nga fotografia e parë e aktores Kristen Stewart si Princesha Diana ra, ne kemi qenë me padurim në pritje të skenarit të filmit të ri “Spencer”, me regji të Pablo Larraín. Një ‘trailer’ ngacmues shkurtimisht tregoi theksin britanik të Kristen, por tani ‘trailer’-i i plotë është publikuar në YouTube – dhe dukja e aktores Kristen si Princesha Diana është pothuajse surreale.

Filmi nis me festimet e Krishtlindjeve në Sandringham, një nga pasuritë e familjes mbretërore, duke treguar se si është shkatërruar martesa e Dianës me Princin Charles dhe ajo po konsideron largimin e familjes mbretërore.

‘Trailer’- i filmit “Spencer” nis me Mbretëreshën duke pyetur se ku është Diana, teksa kjo e fundit vonohet për shkak të veshjes, shkruan Teen Vogue.

Gjatë gjithë ‘trailer’-it, i cil  shoqërohet nga një kor që këndon ’70s klasik “të Lou Reed’s’, ne shohim Dianën duke u ballafaquar me emocionet e saj, madje duke u zemëruar me Charles për një moment të shkurtër.

Princat William dhe Harry shfaqen si fëmijë, duke e pyetur nënën e tyre se  pse ajo është kaq e trishtuar. “Këtu, në këtë shtëpi, nuk ka të ardhme”, shpjegon Diana për fëmijët e saj. “E kaluara dhe e tashmja janë e njëjta gjë”, dëgjohet duke thënë ajo.

Ndërsa filmi mbulon vetëm tre ditë në jetën e saj, ata janë ato të trazuara. Diana po ballafaqohet me jetën e saj në qendër të vëmendjes, duke u përballur me fundin e martesës së saj dhe thashethemet e shumta që e kanë rrethuar, dhe kanë të bëjnë me familjen mbretërore dhe rregullat e shumta.

“Duhet të ketë dy prej jush”, thotë Princi Charles për gruan e tij. “E vërteta, dhe ajo që ata marrin në fotografi”. ‘Trailer’-i tregon dy anët e princeshës: një në xhinse duke luajtur me fëmijët e saj jashtë, dhe një në veshje elegante në një ngjarje formale, dhe është shumë e qartë se Diana po përpiqet të gjejë veten midis të dyjave. “Nuk ka shpresë për mua”, thotë ajo. “Jo me ta”.

Premiera e filmit “Spencer” pritet të jepet më 5 nëntor. 

Related posts

Nesër gara Fun Run me nxënësit e shkollave 9-vjeçare , ja rrugët ku do ndalohet qarkullimi dhe parkimi

D V

Çifti gjerman Wagner rrëfen pushimet me pamjet përrallore në veriun e Shqipërisë

D V

“Je injorant”, gazetari nga Maqedonia thotë se është ofenduar nga kryeministri Rama

D V

This website uses cookies to improve your experience. We'll assume you're ok with this, but you can opt-out if you wish. Accept Read More