Agjencia Zhurnal.mk
Kosovë

Publikohet urdhër arresti ndaj Hysni Gucatit, dyshohet për tri raste

Zyra e Prokurorit të Specializuar ka publikuar edhe urdhërarrestin me të cilin u arrestua Kryetari i Organizatës së Veteranëve të Luftës Hysni Gucati.

Në urdhërarrestin e publikuar nga Zyra e Prokurorit të Specializuar thuhet se kërkesa për urdhërarrest është bërë më datë 22 shtator, tri ditë më parë.

Madje në publikimin e urdhërarrestit janë theksuar edhe tre raste për të cilat po dyshohet Gucati.

“Ekziston dyshimi i bazuar se Hysni Gucati është penalisht përgjegjës për kryerjen e veprës penale të kanosjes. Konkretisht ekziston dyshimi se z. Gucati mbajti tre konferenca për shtyp më 7, 16 dhe 22 shtator 2020, ku shpërndau dhe u vuri në dispozicion mediave informacione dhe dokumente konfidenciale dhe jopublike në lidhje me punën e Prokurorisë së Specializuar dhe nuk bëri asnjë ndërhyrje kur Nasim Haradinaj përmendi me emër dëshmitarë të caktuar (të mundshëm) si dhe dhanë informacione në lidhje me dëshmitarët e tyre si vendbanimin dhe detaje të tjera personale”, thuhet në urdhërarrest.

Në lidhje me këtë rast, Zyra e Prokurorit të Specializuar ka theksuar se ‘kjo sjellje përbën kërcënim serioz që nxit një person tjetër të bëj një deklaratë të rremë ose nuk arrin të deklaroj informacionin e vërtetë te Zyra e Prokurorit të Specializuar apo në Dhomat e Specializuara’.

Pika e dytë e cila përmendet në urdhërarrest është edhe se Gucati është përgjegjës për kryerjen e veprës penale të hakmarrjes.

“Ekziston një dyshim i bazuar se Z. Gucati mbajti tre konferenca për shtyp më 7, 16 dhe 22 shtator 2020, ku ai shpërndau ose u vuri në dispozicion mediave, informacione konfidenciale dhe jopublike dhe dokumente në lidhje me punën e Zyrës së Prokurorit të Specializuar, përfshirë emrat dhe detajet personale të dëshmitarëve (të mundshëm), duke i ekspozuar kështu këta individë ndaj kërcënimeve të mundshme. Kjo sjellje përbën një veprim të dëmshëm me qëllim që të hakmerret për sigurimin e informacionit të vërtetë për Task Forcën Speciale Hetuese”, thuhet në fletarrestin.

Gjithashtu Gucati po dyshohet edhe për shkelje të procedurave sekrete.

“Ekziston dyshimi i bazuar që z. Gucati mbajti tre konferenca shtypi më 7, 16 dhe 22 Shtator 2020, ku ai shpërndau ose u vuri në dispozicion mediave, informacione konfidenciale dhe jopublike dhe dokumentet në lidhje me punën e Zyrës së Prokurorit të Specializuar, përfshirë këtu emrat dhe detajet personale të dëshmitarëve (të mundshëm)”, është edhe pika e tretë për të cilat u arrestua Gucati.

Zyra e Prokurorit të Specializuar ka konstatuar se arrestimi i kryetarit të OVL-UÇK-së, Hysni Gucati ka qenë i nevojshëm për shkak të rrezikut të ikjes, ndërgjegjësimit për njoftimin e veprave të pretenduara në këtë urdhër arrest si dhe dënimet e mundshme që mund t’i bashkëngjiten atij, qasja në fonde të konsiderueshme si kryetar i Luftës së Ushtrisë Çlirimtare të Kosovës, aftësia për të udhëtuar në mënyrë legale apo ilegale.

Gjithashtu Zyra e Prokurorit të Specializuar ka thënë edhe se arrestimi i Gucatit ka qenë i nevojshëm pasi në rrethana specifike ai ka nxitur dhe penguar mbarëvajtjen e procedurave penale duke pasur parasysh shpërndarjen e informacioneve dhe dokumenteve konfidenciale dhe jopublike të Task Forcës Hetuese Speciale ose Zyrës së Prokurorit të Specializuar dhe gjithashtu inkurajoi pjesëtaret e mediave që të bëjnë zbulime të këtyre informacioneve të fshehura apo konfidenciale.

“Për më tepër, ka arsye të artikulueshme për të besuar se arrestimi i Z. Gucati është i nevojshëm sepse rrethanat specifike tregojnë se ai do të përsërisë ose do të përpiqet të përsëris veprat penale, duke konsideruar se ai e bëri të qartë qëllimin duke vazhduar që të bëj informatat dhe dokumentet konfidenciale publike në lidhje me dëshmitarët e mundshëm dhe Task Forcën Speciale të hetuesisë duke vënë në rrezik të vazhdueshëm, kërcënim dhe frikësim të dëshmitarëve të mundshëm përmes zbulimit të informacioneve jo publike”, thuhet tutje në urdhërarrest.

Postime të ngjashme

Kërkohet mbështetje për fëmijët e mjekëve të vdekur në krye të detyrës në pandemi

Dafina Vidishiqi

Trillime, 6 vjet dhimbje e dënim i përjetshëm: Vazhdojnë dyshimet për historinë e Donjeta Pajazitaj

Dafina Vidishiqi

Konjufca: 12 qershori – sublimim i një rruge të gjatë dhe sakrificë përgjatë shekujve

Dafina Vidishiqi

MPJD: Serbët që kërkuan leje të enjten i refuzuam, ata që u kthyen mbrapsht sot s’kanë kërkuar leje

Dafina Vidishiqi

Konjufca: E kam të vështirë ta thërras Albinin kryeministër

Dafina Vidishiqi

Abdixhiku: Sot kujtojmë Ibrahim Rugovën, Adem Jasharin, UÇK-në dhe ata që dhanë jetën për liri

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...