Agjencia Zhurnal.mk
Teknologji

Qeveria amerikane ndërtoi një iPod të fshehtë ‘nën hundën’ e Steve Jobs – vetëm katër njerëz e dinin në atë kohë

Vetëm katër njerëz në Apple e dinin për projektin në atë kohë.

Për një periudhë kohore duke filluar nga viti 2005, Apple lejoi dy kontraktorët e qeverisë amerikane të punojnë në zyrat e saj për të zhvilluar një version me porosi të iPod.

Por saktësisht ajo që do të bënte ai iPod ishte një mister, dhe mbetet edhe sot, siç ndahet në këtë histori interesante nga ish-inxhinieri i iPod, David Shayer, shkruan The Verge.

Historia fillon si një roman

“Ishte një ditë në fund të vitit 2005. Unë isha ulur në tryezën time, duke shkruar kodin për iPod të vitit të ardhshëm. Pa trokitur, drejtori i ‘iPod Software’ papritmas hyri dhe mbylli derën pas tij. Ai tha: Unë kam një detyrë të veçantë për ju. Shefi juaj nuk di për këtë. Ju do të ndihmoni dy inxhinierë nga Departamenti i Energjisë i SHBA-së të ndërtojnë një iPod të veçantë. Ju duhet të më raportoni vetëm mua”.

Ky paragraf i parë përcakton tonin për tërë historinë, e cila ka një bollëk detajesh që shtojnë vetëm mitet legjendare të Apple për fshehtësitë e saj.

“Vetëm katër njerëz në Apple e dinin rreth këtij projekti sekret. Unë, drejtori i iPod Software, nënkryetari i iPod Division dhe nënkryetari i vjetër i Hardware. Askush prej nesh ende nuk punon në Apple. Nuk kishte asnjë gjurmë letre. I gjithë komunikimi ishte personalisht”, transmeton Telegrafi.

Shayer thotë: Ata donin të shtonin disa pajisje të personalizuara në një iPod dhe të regjistronin të dhëna nga ky harduer në diskun e iPod në një mënyrë që të mos zbulohej lehtësisht. Por akoma duhej të dukej dhe të punonte si një iPod normal.

Shayer thotë se ai nuk e dinte se për çfarë do të përdorej ai iPod me porosi.

E gjitha dukej si diçka nga një film spiun, por ish-shefi i iPod, Toni Fadell thotë se është gjithçka e vërtetë.

Fadell ishte nënkryetar i iPod në atë kohë.

Postime të ngjashme

Instagrami kërkon falje për një gabim në ‘hashtag’

S.B.

Telefoni inteligjent i ri mund të ndryshojë formën dhe të kthehet në një tabletë

S.B.

Sony ka prezantuar Xperia 1 III me lente telefoto të ndryshueshme

S.B.

HMD Global prezanton gjashtë telefona të rinj Nokia

S.B.

Dalin pamjet e iPhone 13 nga të gjitha anët, në 3D

S.B.

Thyhet rekordi i ndjekësve në “Twitch”

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...