Agjencia Zhurnal.mk
Kosovë

Qeveria publikon raportin e dialogut të Skender Hysenit, Hoti kishte premtuar se do të diskutohet statuti i Asociacionit

Zyra e Kryeministrit ka publikuar raportin e ish Koordinatorit Shtetëror të datës 30 dhjetor 2020 për rrjedhën e dialogut Kosovë-Serbi, që nga rinisja e deri në fund të vitit 2020.

Ky raport përmbledhës ishte përgatitur nga ish Koordinatori Shtetëror për Dialog me Serbinë, Skender Hyseni për kryeministrin që ishte në atë kohë, Avdullah Hoti, transmeton Telegrafi.

Gjithashtu, Hyseni ka treguar në raport se çfarë kanë biseduar Hoti dhe ambasadorët e Quintit për asociacion, ku thuhet se Hoti kishte premtuar se do të diskutohet për statutin e asociacionit në një fazë më të vonshme të dialogut.

“U dakorduan që po atë pasdite të thërrasim një takim me ambasadorët e Quintit, në mënyre që t’i njoftonim me rrjedhën e dialogut dhe qëndrimin e kryeministrit për asociacionin. Takimi me ambasadorët e Quintit u mbajt në ora 16:00. KM Hoti rikonfirmoi qndrimin e tij se ishte i gatshëm të fillonte bisedat në Bruksel për statutin e asociacionit, por u bëri lutje që ta përkrahnin që kjo temë të lihej për një fazë më të vonshme të dialogut, me shrpesë së në ndërkohë, spektri politik do të arrinte konsensus rreth kësaj teme. Shumica ishin dakord që shtyrja për më vonë nuk do duhej të paraqiste problem, meqë ka shumë tema tjera që mund të trajtohen në ndërkohë. Kjo assesi nuk duhet të kuptohet se BE-ja apo Quinti heqin dorë nga obligimi i Kosovës për të zbatuar asociacionin, tërhoqën vërejtjen ata”, thuhet në raport.

Tutje, në raport përshkruhen edhe takimet tjera që janë bërë në kuadër të dialogut.

“Pra, në raundet e deritanishme si në nivel të koordinatorëve për dialog, ashtu edhe në nivel të lartë, është diskutuar për të pagjeturit, dhe të zhvendosurit, raportet ekonomike, dhe është filluar të trajtohet edhe çështja e obligimeve financiare dhe pronës. Derisa, për tre elementet e para të marrëveshjes është arritur një parim, për obligimet financiare dhe pronën, bisedimet midis Kosovës dhe Serbisë janë duke vazhduar. Nuk ka ende asnjë dakordim në parim rreth këtij elementi, sepse deri më tani nuk ka pasë përafrim. Sipas paralajmërimeve nga zyra e Lajçak, trajtimi i kësaj çështjeje do të vazhdohet pas vitit të ri”, thuhet në raportin e Hysenit.

Postime të ngjashme

Haradinaj, Kurtit: Kërko vetëm njohjen reciproke

Dafina Vidishiqi

Dështon sërish të nisë gjykimi ndaj Bukoshit, për “Fondin e 3%”

Dafina Vidishiqi

Krejt çka u ndodhi dhe u tha sot në takimin Kurti-Vuçiq në Bruksel

Dafina Vidishiqi

Kurti kërkoi largimin e tij nga delegacioni serb, Odaloviq: Jam i gatshëm të tërhiqem

Dafina Vidishiqi

Thaçi: Kurti ta sabotojë dialogun nëse kërkohet “Ahtisari Plus”

Dafina Vidishiqi

Komentohet propozimi i Kurtit për Traktatin e Paqes Kosovë-Serbi

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...