Shkup, 7 shtator – Qeveria e Republikës së Maqedonisë së Veriut, sot në mesditë do ta mbajë seancën e rregullt të 104-t me disa pika nga programi i saj për punë dhe me interes së qytetarëve.
Siç theksohet në kumtesën e pres shërbimit qeveritar, në seancë, sipas rendit të ditës, do të shqyrtohet Propozim-ligji për ndryshimin dhe plotësimin e Ligjit nga rrezatimi jonizues dhe siguria nga rrezatimi, me procedurë të shkurtër, në propozim të Ministrisë së Shëndetësisë.
Mes tjerash, në propozim të Ministrisë së Arsimit dhe Shkencës, në rend dite për shqyrtim është edhe Propozimi i ligjit për ndryshimin dhe plotësimin e Ligjit për inspektim arsimor, si dhe disa informacione dhe raporte për projekte të planifikuara dhe të realizuara të ministrive individuale.
Për vendimet dhe konkluzionet e miratuara nga seanca qeveritare, opinioni do të njoftohet përmes kumtesës.
