Agjencia Zhurnal.mk
Kuriozitete

Ra nga lodhja në qendër të Tiranës, pas rehabilitimit lejleku Elsa nis shtegtimin drejt Afrikës

Punonjësit e ADZM Fier lanë të lirë Elsën, lejlekun e ri me origjinë nga Sllovenia, shtegtimi i të cilës ka qenë i mbushur me vuajtje dhe peripeci, ashtu sikurse edhe plot përkujdesje.

Elsa, me shumë mundësi e çelur në Slloveni, u unazua nga Muzeu i Historisë së Natyrës së Sllovenisë në datë 8 gusht të këtij viti, pasi ishte gjetur e plagosur rëndë pranë gjoksit, me shumë gjasë si pasojë e sulmit të ndonjë shpendi grabitqar. Elsa fillimisht u mbajt për 2 javë në qendrën e rehabilitimit në Muta të Sllovenisë, nga ku më tej është lëshuar.

Në datën 15 shtator, ky individ u raportua në Ulqin nga kolegët e qendrës për Studimin dhe Ruajtjen e Shpendëve (CZIP) dhe 2 ditë më vonë lejleku është ulur në gjendje të dobët fizike në qendër të Tiranës, ku u kap dhe u mbajt në gjendje kaptiviteti derisa fotografi i mirënjohur Albert Cmeta mësoi mbi rastin dhe ndërhyri për ta shpëtuar.

Cmeta kontaktoi qendrën “Shpendët e Shqipërisë”, e cila së bashku me Shoqatën e Ruajtjes dhe e Mbrojtjes së Mjedisit Natyror në Shqipëri ndërmorën vlerësimin e menjëhershëm të gjendjes së shpendit dhe vendosën ta dërgojnë për trajtim në Qendrën e Rehabilitimit në Shpendëve të Egër në Divjakë, ku qëndroi 10 ditë dhe mori një përkujdesje të dalluar nga stafi i saj. Elsa arriti në qendrën e Divjakës në kufijtë e nënpeshës, rreth 2.3 kg, dhe falë përkujdesjes, në momentin e lëshimit, kishte peshën 3 kg.

Janë të shumtë njerëzit që e ndihmuan këtë shpend në fluturimin e tij për mbijetesë drejt Afrikës, vendit ku ky lloj lejleku kalon dimrin/ATSH.

Postime të ngjashme

Grumbullimi, teknika që ju ndihmon të jeni më produktiv

Lea Muslija

Mençuria dhe grykësia, çfarë i dallon nga njëra-tjetra?

Lea Muslija

Shtohen rastet me depresion, rritet ndjeshëm konsumi i qetësuesve në vend/ Ja pasojat që solli pandemia e COVID-19

Dafina Vidishiqi

Këto 5 mite të njohura bukurie nuk duhet t’i besoni më

Dafina Vidishiqi

Këshilla nga amvisat me përvojë: Një truk që parandalon formimin e akullit në frigorifer

Dafina Vidishiqi

3 arsye pse vajzat mund të bëhen të bezdisshme për një mashkull

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...