Agjencia Zhurnal.mk
Bota

Radioja e fundit e pavarur në Hungari detyrohet të mbyllet

Radioja e fundit e pavarur e Hungarisë ka humbur apelin për të mbajtur licencën e saj, pasi rregullatori i mediave në këtë vend ka konstatuar se ajo ka shkelur një ligj të regjistrimit të detyrueshëm.

Presidenti i Klubradios, Andras Arato, tha të martën se apeli i tij në Gjykatën Metropolitane në Budapest, për ta detyruar rregullatorin e mediave, NMHH, të lëshojë një licencë të përkohshme transmetimi, është refuzuar.

“Vendimi, edhe pse pritej, është i turpshëm dhe frikacak”, tha Arato.

Ai tha se radio-stacioni do të ndërpritet përmes valëve të ajrit, por do të vazhdojë transmetimet në internet.

Klubradio transmeton kryesisht në Budapest.

Lajmet dhe përmbajtja e saj janë shpesh kritike ndaj Qeverisë së kryeministrit hungarez, Viktor Orban.

Në shtator të vitit 2020, NMHH, i përbërë vetëm nga mbështetësit e Orbanit, ka refuzuar ta zgjasë licencën shtatëvjeçare të operimit të Klubradios, e cila skadon më 14 shkurt, duke thënë se stacioni “në mënyrë të përsëritur” ka shkelur Ligjin e regjistrimit të detyrueshëm, duke i dorëzuar dy herë dokumentet me vonesë.

Për shkeljet e tilla zakonisht pasojnë gjoba dhe njoftimi i NMHH-së ka ngritur shqetësime të reja për presionin e politikës mbi mediat.

Hungaria është tashmë nën hetimet e Bashkimit Evropian për minimin e pavarësisë së gjyqësorit, medias dhe organizatave joqeveritare dhe rrezikon të humbasë qasjen në dhjetëra miliarda euro fonde nga blloku.

Hungaria është renditur e 89-ta në mesin e 180 vendeve në Indeksin e Lirisë së Shtypit të Reporterëve pa Kufij, më 2020.

Postime të ngjashme

Britania heq karantinën për të vaksinuarit nga SHBA-ja dhe BE-ja

D V

Policia në Berlin ndalon mbajtjen e dy protestave për koronavirus

D V

Biden mbështet synimin e bjellorusëve për demokraci pas takimit me Tsikhanouskayan

D V

Franca do të kërkojë pasaportën shëndetësore nëpër kafiteri nga 9 gushti

D V

Zyra e Prokurorit në Bosnje inicion rastet e para nën Ligjin për mohim të gjenocidit

D V

Tokio regjistron rekord të rasteve me koronavirus

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...