Rama ironizon Berishën: Zgjidh numrin 5, “thaje kënetën”

Kryeministri Edi Rama, njëherësh kryetar i Partisë Socialiste iu ka bërë thirrje qytetarëve që të votojnë Partinë Socialiste.

Nëpërmjet një postimi në rrjetet sociale, Rama ka publikuar një videomontazh nga spoti elektoral i kryetarit të Partisë Demokratike, Sali Berisha, ku nën fjalët e tij shfaqen imazhe nga ngjarje që kanë ndodhur nën qeverisjen e PD-së si ngjarjet e vitit 1997, 21 janari etj.

Sipas Ramës, me zgjedhjen e numrit 5 zgjedh Shqipërinë për në Bashkimin Europian në vitin 2030.

Kryeministri Rama ka zgjedhur simbolin e bufit dhe të kënetës për të përshkruar gjendjen e opozitës sot dhe u ka kërkuar votuasve që “ta thajnë kënetën”.