Rama për “Open Balkan”: Me Qeverinë e Kosovës gjërat nuk po shkojnë kënaqshëm

Kryeministri i Shqipërisë, Edi Rama theksoi se në mandatin e tretë do ndiqet një “qasje me cilësi të re” sa i përket marrëdhënieve mes Kosovës dhe Shqipërisë.

 

Ai u shpreh se deputetët e Partisë Socialiste duhet të vizitojnë më shpesh Prishtinën, që të parashtrojnë opinione dhe ide që u shërbejnë të dyja shteteve.

Shefi i PS tha se “Open Balkan” ka prodhuar mos dakordësi mes dy vendeve, por pavarësisht kësaj Rama nënvizoi se Shqipëria do të punojë me përkushtim për të patur “marrëdhënie vëllazërore me Kosovën”.

“Me qeverinë e Kosovës gjërat nuk shkojnë vaj dhe mosdakordësia për ‘Ballkanin e Hapur’ ka marrë një peshë të pamerituar në këtë mes, por ne do të punojmë me përkushtim që me qeverinë e Kosovës të kemi marrëdhënie sa më vëllazërore, duke u përkushtuar në ato punë dhe drejtime që na bashkojnë dhe duke trajtuar me durim mosdakordësinë për ‘Ballkanin e Hapur’, tha ai.

Duke folur para deputetëve të rinj e të vjetër, Rama theksoi se “Open Balkan” është një zgjedhje e qartë, prej së cilës fiton jo vetëm Shqipëria, por i gjithë rajoni.

“Ballkani i Hapur është një zgjedhje e qartë, e drejtë dhe kuptimplotë për të ardhmen e vendit dhe rajonit”, theksoi Rama.

Related posts

Sejdiu kritikon ministrin Vitia: Fajësoi popullit për asgjësimin e 133 mijë vaksinave

D V

Kosova futet në listën e vendeve me rrezik të lartë nga COVID-19, tash ka disa kushte për hyrje në Gjermani

D V

Pas raportit të IKSHPK-së reagon KRU Hidrodrini, kërkon sqarime shtesë për mostrat e ujit që janë marrë për analiza

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com