Rama: Vitin e ardhshëm do të çojmë në orbitë dy satelitë, “Albania 1” dhe “Albania 2”

Kryeministri i Shqipërisë, Edi Rama paralajmëroi sot në Kuvendse brenda vitit të ardhshëm qeveria do të dërgojë në hapësirë dy satelitë “Albania” dhe “Albania 2”.

Kjo deklaratë u pasua me të qeshura në radhët e opozitës në Kuvendin e Shqipërisë, por kreu i qeverisë i vazhdoi fjalën e tij, shkruan abcnews.al.

“The do blejmë drona. Jo. Do blejmë drona. Do çojmë dhe satelitë në orbitë. Qeshni, qeshni. Kur të shikoni satelitët Shqipëria në orbitë dhe jo në mandatin tjetër – vitin tjetër. Albania 1 dhe Albania 2…”, tha Rama në Kuvend duke mos dhënë më shumë detaje.

Kështu sipas abcnews.al, Shqipëria pritet të bëhet vendi i parë në rajon që pritet të dërgojë satelitë në hapësirë.

Rama: Do të çojmë satelitë në orbitë

Rama: Vitin e ardhshem do te cojme ne orbite dy satelite, 'Albania 1' dhe 'Albania 2Per informacionet me te fundit klikoni: Web: https://abcnews.al/Facebook: https://www.facebook.com/abcnews.al/Instagram: https://instagram.com/abcnewsalSubscribe kanalin tone ne: youtube:https://www.youtube.com/user/abcalbanian#abcnews #abcnewsalbania

Posted by Abc News Albania on Thursday, October 14, 2021

Por sa satelitë ka sot në hapësirë?

Sipas abcnews.al, 10 vendet kryesore që po dominojnë industrinë satelitore janë SHBA, Kina, Rusia, Britania e Madhe, Japonia, India, Agjencia Evropiane e Hapësirës, Kanadaja, Gjermania dhe Luksemburgu.

Përllogariten rreth 7941 satelitë, pjesa më e madhe e të cilëve i përkasin SHBA. Turqia është një nga 30 vendet që posedon satelitë. Gjashtë prej tyre janë aktivë, tre satelitë komunikimi dhe tre satelitë vëzhgimi

Tre të katërtat e satelitëve rrotullohen në orbitë të ulët mes 500 dhe 2000 km lartësi dhe përdoren kryesisht për sistemet e telekomunikacionit, imazhet tokësore ose meteorologjinë.

Sipas Shoqatës së Unionit të Shkencëtarëve, sateliti i parë është ai amerikan Amsat Oscar-7 (AO-7) i dërguar në hapësirë më 15 nëntor të vitit 1974. Numri i satelitëve është shtuar vitet e fundit, konkretisht 378 satelitë në vitin 2017 dhe 375 satelitë në vitin 2018.

Më 15 shkurt të vitit të kaluar India theu rekord duke dërguar në hapësirë 104 satelitë përnjëherë. 38% e satelitëve i kushtohen vëzhgimit të Tokës (klimës, reshjeve apo vëzhgimit). 37% shërbimeve të komunikimit dhe pjesa tjetër për qëllime shkencore, mbrojtje apo teknologjike.

Ndërkohë 64% e satelitëve dërgohen në orbitë të ulët mes 500 dhe 2000 km mbi nivelin e detit.

Kjo afërsi shkurton vonesat dhe kërkon më pak energji në nisje dhe përdoren veçanërisht për sistemet e telekomunikacionit dhe imazhet tokësore apo meteorologjinë.

Siç vë në pah mediumi në fjalë, 27% e satelitëve lëvizin në orbitë gjeostacionare në një lartësi deri në 36 mijë kilometra që përdoret veçanërisht për shërbimet e komunikimit, që mbeten gjithmonë në të njëjtën pikë dhe orbita e mesme mes 2000 dhe 36.000 km që përdoret për satelitët e navigimit siç janë GPS.

Related posts

Masat kufizuese frenojnë turizmin në Shqipëri

N E

Rama: Hyrja e Shqipërisë në BE nuk po ecën mirë

Z H

Ish Presidenti Bujar Nishani sulmon Lulzim Bashën: Nuk fitohen zgjedhjet kur nuk të duan as ‘të tutë’

D V

This website uses cookies to improve your experience. We'll assume you're ok with this, but you can opt-out if you wish. Accept Read More