Agjencia Zhurnal.mk
Kosovë

Reagime të ashpra ndaj Kurtit pas pozicionimit anti-Trump në zgjedhjet amerikane

Lideri i Lëvizjes Vetëvendosje, Albin Kurti, dje edhe hapur ka dalë në përkrahje të Joe Biden si kandidat për president të Shteteve të Bashkuara të Amerikës.

Një rreshtim i tillë i Kurtit vjen pas përplasjeve që ka pasur me emisarin e Donald Trump, Richard Grenell, rreth çështjes së dialogut me Serbinë.

Për këtë rreshtim të Kurtit ka pasur reagime në Kosovë dhe në Shtetet e Bashkuara të Amerikës.

Shefi i deputetëve të Lidhjes Demokratike të Kosovës, Arben Gashi, ka qenë ndër të parët që ka reaguar duke thënë se rreshtimi i Kurtit është ndërhyrje në punët e brendshme të një shtetit mik. raporton Gazeta Express.

“Deklarimi i ish-kryeministrit për zgjedhjet në SHBA përbën ndërhyrje në punët e brendshme të një shteti mik.

Dëmi do të jete disadimensional!”, ka shkruar Gashi.

Ka reaguar edhe anëtari tjetër i LDK’së, Bajram Gecaj, duke thënë se vetëm një politikan i krisur merr anë në zgjedhjet amerikane.

Pa reaguar s’kanë qëndruar as vetë shqiptarët që jetojnë në Amerikë e që Kurti ka targetuar në video-mesazhin e tij pro-Biden.

Ka qenë Uk Lushi, ai i cili ka kërkuar nga Kurti që të mos përzihet, meqë siç thotë ai, shqiptarët në Amerikë janë aq të mençur për të ditur se për këtë votojnë.

Lushi ka thënë se s’kanë nevojë për një mësues.

“Njerëzit që nuk janë shtetas amerikanë nuk duhet të përzihen  apo tentojnë të influencojnë votuesit amerikanë për kënd të votojnë në Amerikë. Kjo vlen sidomos për politikanët shqiptarë në Ballkan.

Relacioni Amerikë-shqiptarë nuk është tavolinë bixhozi ku vendosen baste që panevojshëm mund t’u kushtojnë shqiptarëve kudo.

Shtetasit amerikanë me përkatësi apo prejardhje shqiptare janë njerëz të dijshëm dhe do të votojmë sipas vullnetit të lirë. Afër 1 milionë shqiptarë të Amerikës nuk kanë nevojë për mësuesë apo tutorë si të votojmë.

Mjaft me thirrje dhe sjellje politike, demokratike dhe legale të rrezikshme!”, ka shkruar Lushi.

Postime të ngjashme

Kryetari i Graçanicës thotë se 10 mijë qytetarë të Kosovës janë vaksinuar nga Serbia

T E

Kurti flet për formimin e Qeverisë së re, tregon se kur do të zgjidhet Vjosa Osmani presidente

T E

Prokuroria Speciale tërheq urdhër-arrestin ndaj Milan Radoiçiqit, i akuzuar për vrasjen e Oliver Ivanoviqit

T E

Elezi: Ende nuk dihet kur fillon procesi i numërimit të votave me kusht

T E

KQZ nis numërimin e votave me kusht

T E

Bajatoviq: Elita e SHBA-së ka nevojë të prodhojë probleme, por s’është lehtë të shantazhohet Serbia

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...