Reali i falet penalltive, Sociedad bie në “Anoeta”

Real Madrid ka siguruar fitoren e dytë radhazi në La Liga duke mundur 2-0 Real Sociedad në transfertë.

Takimi ishte i luftuar në “Anoeta” pasi të dy skuadrat krijuan raste shënimi edhe pse në pjesën e parë të dy ekipet shkuan në dhomat e zhveshjes në shifrat 0-0.

Madrilenët ia dolën të gjenin golin e avantazhit në minutën e 58’ të sfidës, pas një penalltie të ekzekutuar nga Vinicius. Në minutën e 75-të, te pika e bardhë u shfaq edhe Mbape, i cili ekzekutoi një penallti të dytë për skuadrën e tij, duke dyfishuar shifrat që rezistuan deri në fund.