Agjencia Zhurnal.mk
Maqedoni

Rebalanci i buxhetit dhe Plani i veprimit për Qytetin e Gjelbër para këshilltarëve të Qytetit të Shkupit

Zhurnal Ads

Shkup, 27 tetor, zhurnal.mk – Ndryshimi dhe plotësimi i buxhetit të Qytetit të Shkupit për vitin 2020, si dhe Plani i Veprimit për Qytet të gjelbër, janë pjesë e pikave që do të diskutohen në seancën e 57-të të Këshillit të Qytetit të Shkupit, e cila do të mbahet sot përmes lidhjes konferenciale.

“Me propozimin për ndryshimin dhe plotësimin e Buxhetit të Qytetit të Shkupit për vitin 2020, buxheti i përgjithshëm është rritur për 81 milionë denarë, që është një rritje prej 1 për qind në krahasim me buxhetin fillestar. Një rritje është propozuar gjithashtu në buxhetin e kredive (245 milionë denarë) për ndërtimin dhe rikonstruimin e disa rrugëve dhe bulevardeve në të gjithë Qytetin e Shkupit. Rritje është bërë edhe në buxhetin e granteve (4 milionë denarë), për qëllim të buxhetimit të një pjese të të ardhurave të tepricës së pashpenzuar nga viti i kaluar në kulturë. Buxheti bazë është zvogëluar për 167 milionë denarë, me ç’rast propozohen disa ndryshime nga programet dhe projektet në përputhje me dinamikën e vlerësuar të realizimit të projekteve të filluara dhe afatet për ekzekutimin e kontratave të lidhura”, informon shërbimi për shtyp i Qytetit të Shkupit.

Së bashku me rebalancin e buxhetit të Qytetit të Shkupit për vitin 2020, Këshilli do ta diskutojë edhe Propozimin për ndryshimin dhe plotësimin e Planit të programeve të zhvillimit për periudhën 2020-2022, i cili parashikon ndryshime në fondet e parashikuara për projekte më afatgjata zbatimi i të cilave zhvillohet në disa faza gjatë dy ose më shumë viteve.

Këshilli sot do të shqyrtojë dhe diskutojë disa programe të punës, siç është Programi për ndryshimin dhe plotësimin e Programit për rregullimin e tokës ndërtimore në zonën e qytetit të Shkupit për vitin 2020; Programin për ndryshimin dhe plotësimin e Programit për financimin e institucioneve publike dhe aktivitetet në fushën e kulturës me interes për Qytetin e Shkupit për vitin 2020; Programin për ndryshimin dhe plotësimin e Programit për aktivitete në fushën e sportit dhe rinisë në qytetin e Shkupit, për vitin 2020; Programin për ndryshimin dhe plotësimin e Programit të aktiviteteve në fushën e mbrojtjes së mjedisit dhe natyrës në zonën e qytetit të Shkupit për vitin 2020; Programin për ndryshimin dhe plotësimin e Programit për financimin e projekteve për zhvillimin e artizanatit, hotelierisë dhe tregtisë së Qytetit të Shkupit për vitin 2020; Programin për ndryshimin dhe plotësimin e Programit për mbështetjen e zhvillimit ekonomik lokal të Qytetit të Shkupit për vitin 2020; Programin për ndryshimin dhe plotësimin e Programit për propagandë të përgjithshme turistike dhe për përmirësimin e kushteve për qëndrimin e turistëve në qytetin e Shkupit për vitin 2020; si dhe Planin për ndryshimin dhe plotësimin e Planit të Efikasitetit të Energjisë së Qytetit të Shkupit për vitin 2020.

Zhurnal Ads
Zhurnal Ads

Postime të ngjashme

U shqyrtuan Propozim-ligjet për ndryshimin dhe plotësimin e Ligjit për arsim fillor dhe të mesëm

T E

Kovid-19 dhe mungesa e opozitës pamundësojnë punën e Parlamentit

D J

Dorëhiqet për arsye personale sekretari i përgjithshëm i VMRO-DPMNE-së, Igor Janushev

T E

TVSH-ja ime, shpërblimi im, kontrolloni nëse jeni një nga fituesit e 20,000 denarëve

E.E.

“Lagja e Trimave”, Hoti e Zaev i shmangen pyetjes

admin

Ajër të ndotur thithin qytetarët dhe sonte, Tetova mban rekordin

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...