Shkup, 7 shtator – Për shkak të protestës së paralajmëruar në Shkup e cila duhet të fillojë nesër në orën 13:30 nga sheshi “Skënderbeu” që më pas të vazhdojë drejt zyrës së BE-së, me etapa do të jenë të mbyllura për komunikacion bulevardet “Goce Dellçev”, “Ilinden” dhe “Klimenti i Ohrit”.
Nga MPB u bëjnë apel të gjithë qytetarëve pjesëmarrës në komunikacion t’i respektojnë urdhrat të cilat do t’i japin nëpunësit e uniformuar të policisë si edhe t’i respektojnë rregullat e komunikacionit dhe rregullativën e komunikacionit për regjimin e ndryshuar të komunikacionit.