464
Reshje të dendura shiu dhe breshër të fuqishëm kanë përfshirë disa rajone të Kosovës gjatë pasdites së sotme, duke shkaktuar përmbytje dhe ndërprerje të energjisë elektrike.
Zonat më të prekura janë Brezovica, Gjilani, Ferizaj dhe disa fshatra të komunës së Gjakovës.
Pamjet e shpërndara në rrjetet sociale tregojnë rrugë dhe oborre të përmbytura, me nivele të larta të ujit dhe shtresa të dendura breshëri në shumë lokacione.
Në Brezovicë, një nga qendrat turistike më të njohura në vend, rruga kryesore që çon drejt kompleksit turistik është bërë e pakalueshme për shkak të vërshimeve të ujërave të shiut.
Gjilani është një tjetër qytet i prekur rëndë nga moti i lig.