Ndryshimi i klimës ka rritur intensitetin dhe frekuencën e stuhive tropikale, duke çuar në një rritje të përmbytjeve të shpejta dhe dëme më të mëdha.Shira të mëdha kanë rënë ditët e fundit në Kinën Jugore. Shiu i madh ka përmbytur Kinën jugore, me qytetin Shenzhen, por edhe në duke raportuar reshjet e tij më të dendura që nga fillimi i regjistrimeve në 1952.
Tajfuni “Haikui”, i 11-ti i këtij viti, detyroi 294.100 banorë të evakuohen përkohësisht në provincën Fujian të Kinës lindore, thanë autoritetet.
Tajfuni solli shira të rrëmbyeshëm, duke prekur rreth 1.6 milionë persona në provincë, bëri të ditur Zyra provinciale e Kontrollit të Përmbytjeve dhe Lehtësimit të Thatësirës, citon “Xinhua”.
Pothuajse 10.000 hektarë të mbjella u dëmtuan dhe më shumë se 2500 shtëpi u dëmtuan ose u shkatërruan, duke shkaktuar një humbje të drejtpërdrejtë ekonomike prej 5.05 miliardë juanë (701.5 milion dollarë amerikanë)
Presidenti kinez Xi Jinping vizitoi të enjten banorët e prekur nga përmbytjet në fshatrat e qytetit Shangzhi të provincës Heilongjiang të Kinës Verilindore.
Duke vizituar shtëpitë e fshatarëve për të mësuar mbi humbjet e tyre dhe për t’u njohur me gjendjen e furnizimit me produkte të përdorimit të përditshëm, Xi i inkurajoi ata të forcojnë besimin e tyre për të kapërcyer vështirësitë. Ai shprehu shpresën se së shpejti banorët e prekur do të rifillojnë punën e jetën normale dhe se jeta e tyre do të vazhdojë të përmirësohet