Agjencia Zhurnal.mk
Kuriozitete

Reshjet e pazakonta të borës në Sahara, krijohet një model tërheqës i rërës në shkretëtirë

Bora ka rënë në shkretëtirën e Saharasë, me temperatura që bien deri në -3C.

Kjo është vetëm hera e katërt që qyteti Ain Sefra në Algjeri ka përjetuar dëborë në 42 vitet e fundit.

Fotografitë e reshjeve të borës u morën nga Karim Bouchetata, një fotograf i cili kapi borën e pluhurosur lehtë mbi dunat portokalli ndërsa krijonte modele tërheqëse dhe të pazakonta në rërë.

Ain Sefra ndodhet në Malet Atlas, 1.000 metra mbi nivelin e detit dhe njihet si “porta e shkretëtirës”, transmeton Telegrafi.

Ky vend shtrihet në provincën Naama të Algjerisë, në pjesën veriore të Saharasë, afër kufirit marokenë.

Megjithëse temperaturat ndryshojnë në Sahara, bora dhe akulli janë të rralla.

Herët e tjera që ka pasur dëborë në Ain Sefra ishin vitet 1979, 2017 dhe 2018.

Sasia e borës ka ndryshuar shumë gjatë 42 viteve të fundit, duke filluar nga një stuhi dëbore e cila ndaloi trafikun në vitin 1979.

Temperaturat në shkretëtirën e Saharasë mund të arrijnë deri në 38C mesatarisht në verë.

Ndërkohë janari është një nga muajt më të ftohtë, me temperatura mesatare prej 14C.

Diku tjetër, bora ra në Liban, Japoni dhe shiu veçanërisht i fortë është parashikuar për pjesë të Mbretërisë së Bashkuar.

Postime të ngjashme

8 arsyet pse një grua e fortë bën kaq shumë armiq

T E

Manovra me veturë që i kushtoi “shtrenjtë”, deshi të zbret me veturë nga shtylla – “airbagu” iu hap dhe e goditi në fytyrë e kapelën ia hodhi jashtë

S.B.

“Topi i zjarrtë” mbi Kanadanë, drita e pazakontë në qiell çuditi qytetarët – u konstatua se bëhet fjalë për meteor

S.B.

Dhitë e egra ia mësyjnë çatisë së një objekti në Uells

S.B.

Banorët e Buenos Aires mbetën të tronditur kur panë një “tornado që ngrihej drejt qiellit” – por në fakt ishte një tufë gjigante mushkonjash

S.B.

Një dasmë bamirësie për çiftin e pastrehë

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...