Ripërtrirje fiskale dhe mbështetja e ekonomisë në botë POST-PANDEMIKE

Konferenca e Ministrisë së Financave: Ekspertë me zgjidhje të mundshme për tejkalimin e sfidave fiskale pas Kovid-19

 

Nuk mund të injorohet numri i sektorëve të ekonomisë që ishin dhe ende janë prekur nga pandemia Kovid-19, duke rrezikuar seriozisht stabilitetin e ekonomive vendore dhe botërore. Planifikimi dhe zbatimi i duhur i politikës fiskale dhe monetare që synon rimëkëmbjen ekonomike është thelbësor për trajtimin e krizës në botën perëndimore dhe zbutjen e pasojave që do të ndihen për një kohë të gjatë në të ardhmen.

Por a ka një zgjidhje të menjëhershme fiskale dhe monetare që mund të ndihmojë ekonomitë? Cilat lloje të ndërhyrjeve fiskale dhe monetare janë të dobishme për bizneset dhe a do të ndihmojnë në ruajtjen e vendeve ekzistuese të punës dhe krijimin e vendeve të reja? Këto janë vetëm disa nga dilemat që hapen në një kohë kur bota po shpreson që pandemia të shuhet dhe të cilat do të diskutohen në Shkup nga përfaqësues të Bankës Botërore, Bankës Evropiane të Investimeve (EIB), Bankës Evropiane për Rindërtim dhe Zhvillim (BERZH), ministra, politikanë, ekspertë të ekonomisë, profesorë universitar dhe faktorë të tjerë relevant. Ata do të jenë mysafirë në Konferencën e Parë Ndërkombëtare “Rimëkëmbja ekonomike dhe rritja pas kovidit” që do të mbahet më 6 dhe 7 Shtator në Hotel Double Tree by Hilton, nikoqir i së cilës është Ministria e Financave. Konferenca organizohet në mënyrë që ekspertë të lartë të shkëmbejnë ide dhe përvoja që do të jenë baza për hapat e ardhshëm në rimëkëmbjen e ekonomive vendase dhe rajonale.

Përballë një sërë rreziqesh me të cilat përballet ekonomia, folësit e konferencës do të paraqesin gjithashtu pyetje në lidhje me masat stimuluese fiskale që do të jenë një nga sfidat kryesore për autoritetet monetare në periudhën e ardhshme. Kriza në vend ka nxitur miratimin e një ribalanci të buxhetit për vitin 2021, struktura e të cilit hedh themelet për zhvillimin e mëtejshëm të ekonomisë. Duke rialokuar një pjesë të fondeve në buxhetin e shtetit, sigurohen më shumë para për shpenzimet kapitale, si dhe për mbështetjen e ekonomisë dhe nevojave të qytetarëve.

  • Ribalanci për vitin 2021 është një pasqyrim i gjendjeve ekonomike, shqetësimit në lidhje me përdorimin e fondeve publike dhe drejtimin e tyre drejt realizimit të objektivave të përcaktuara, si dhe angazhimin në trajtimin e pandemisë – tha Ministri i Financave, Fatmir Besimi pas miratimit të ribalancit të buxhetit në qershor.

Ekspertët presin që rimëkëmbja e ekonomive në rajon të nxitet nga financimet e miratuara nga BE për rritjen ekonomike dhe infrastrukturën, para që duhet të përdoren për zbatimin e reformave strukturore në vendet dhe forcimin e institucioneve.

Related posts

Çdo të martë Shën Peterbrg – Shkup, linjë e re ajrore e “Norduind Erlajns”

D V

Inflacioni në Eurozonë arrin në 3 për qind, niveli më i lartë brenda një dekade

D V

Rritet numri i udhëtarëve në transport

Z H

This website uses cookies to improve your experience. We'll assume you're ok with this, but you can opt-out if you wish. Accept Read More