Agjencia Zhurnal.mk
Showbiz

Rita Ora shpreson ta rifitojë besimin e publikut

Këngëtarja me prejardhje kosovare dhe famë botërore, Rita Ora, shpreson shumë që publiku do ta pranojë kërkim faljen e saj, për shkelje të rregullave të mbrojtjes nga koronavirusi.

Pop ylli 30-vjeçar së fundmi kërkoi falje publike për gabimin e saj, duke i thyer rregullat e karantinës të vendosura nga qeveria britanike, për ta festuar ditëlindjen në një restorant e shoqëruar nga 30 të ftuar.

Dhe tani, Rita thotë se shpreson të ketë mundësi ta rifitojë besimin e publikut, i cili e ka mbështetur aq shumë përgjatë vjetëve, në çdo hap të karrierës së saj.

Për gazetën “The Sun” të publikuar të dielën, këngëtarja citohet të ketë thënë: “Kërkim falja ime ishte aq e sinqertë dhe vinte nga zemra. Tani thjeshtë shpresoj dhe lutem që publiku ta shoh këtë gjë, dhe ta pranojë faktin se jam penduar për këtë gabim”.

Ylli i hitit “Hot Right Now” që shkeli masat e sigurisë për herë të dytë, pasi u kthye në shtëpi nga një udhëtim në Egjipt dhe nuk u vetizolua, përveç se kërkoi falje publike përmes një postimi në rrjetet sociale, po ashtu doli vullnetare për ta paguar shumën maksimale të shkeljes së masave anti-COVID, që e kap shifrën prej 10 mijë funtesh. Por siç duket, kjo nuk po mjafton për publikun dhe qytetarët e Britanisë së Madhe, vend ky i cili është goditur mjaft rëndë nga pandemia dhe vazhdon të jetë me masa të ashpërsua të sigurisë nga koronavirusi.

Ndër të tjera, në intervistën e saj për “The Sun”, Rita Ora e ka pranuar se është plotësisht e vetëdijshme për sakrificat që njerëzit është dashur t’i bëjnë gjatë pandemisë, dhe ndihet e turpëruar për veprimet e saj të papërgjegjshme.

Kujtojmë se Ora ishte ndër yjet e parë të showbizit, që i bënë thirrje njerëzve anembanë botës t’i respektojnë rregullat e karantinës, qysh në muajin mars kur u shënuan rastet e para me koronavirus.

Postime të ngjashme

Projekti më i ri muzikor nga Vlora Kastrati Shala quhet “Fustani me pika”

T E

Xhirimet për filmin e Princeshës Diana po vazhdojnë në Gjermani, aktorja Kristen Stewart portretizon monarken e ndjerë

S.B.

Blake Shelton thotë se Adam Levine ia ka borxh një performancë në dasmën e tij

S.B.

George Clooney mori qenin në audicion për t’u pranuar si aktor në një film

S.B.

Arjola Demiri mahnit me linjat trupore, ndërsa merr poza atraktive para pasqyrës

S.B.

I dashuri i Genta Ismajlit paralajmëron projektin e saj të ri me dedikime dashurie në shqip ndaj këngëtares

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...