Agjencia Zhurnal.mk
Bota

Rivalët e Libisë nënshkruajnë marrëveshje për armëpushim në Gjenevë

Zhurnal Ads

Fraksionet ndërluftuese të Libisë kanë nënshkruar një marrëveshje për armëpushim të përhershëm, pas pesë ditëve të bisedimeve të zhvilluara në Gjenevë.

Marrëveshja – e arritur në mes të liderëve ushtarakë të Qeverisë së Libisë dhe forcave opozitare të udhëhequra nga Gjenerali, Khalifa Haftar – është ndërmjetësuar nga Kombet e Bashkuara.

E dërguara e OKB-së në Libi, Stephanie Williams, e ka quajtur marrëveshjen “shenjë tejet të rëndësishme të shpresës për popullin e Libisë”.

Libia është përfshirë nga dhuna, prej kur Muammar Gaddafi është larguar prej pushtetit nga forcat e përkrahura nga NATO-ja më 2011.

Ky shtet i pasur me naftë, është pikë kyçe e transitit për migrantët që nisen nga Afrika në Evropë.

Shumë shtetas të Libisë është thënë se janë detyruar të largohen nga shtëpitë e tyre.

Agjencia e lajmeve AFP ka cituar të dërguarën e OKB-së të ketë thënë se armëpushimi do të mundësojë që njerëzit e zhvendosur brenda dhe jashtë shtetit, të kthehen nëpër shtëpitë e tyre.

Duke sqaruar kushtet e marrëveshjes, ajo ka thënë se të gjitha palët janë pajtuar që “të gjitha njësitë ushtarake dhe grupet e armatosura në frontin e luftës, të kthehet në kampet e tyre”.

Kjo do të “pasohet me largimin e të gjithë mercenarëve dhe luftëtarëve të huaj nga territori i Libisë, në periudhë maksimale prej tre muajsh, duke nisur nga sot”.

Qeveria e njohur ndërkombëtarisht kontrollon kryeqytetin Tripoli dhe zonat përreth, derisa forcat besnike të gjeneralit Haftar drejtojnë pjesën lindore të shtetit nga Bengazi.

Sa u përket mbështetësve ndërkombëtarë, Turqia, Katari dhe Itali përkrahin qeverinë në Tripoli, derisa Emiratet e Bashkuara Arabe dhe Egjipti përkrahin Haftarin.

Libia ka rezervat më të mëdha të naftës dhe gazit në Afrikë.

Nga muaji janar, një grup i armatosur, besnik ndaj Gjeneralit Haftar, pati bllokuar zonat e naftës, duke shkaktuar ndërprerje të energjisë elektrike dhe miliarda dollarë humbje në eksporte të Libisë.

Zhurnal Ads
Zhurnal Ads

Postime të ngjashme

Fauci mbetet zyrtar i lartë për Shëndetësinë në qeverinë Biden

T E

Netanyahu: Vaksinimi kundër koronavirusit do të fillojë më 27 dhjetor

T E

102 të vdekur në 24 orë në Greqi

T E

Somali, 341 mijë njerëz migruan për shkak të përmbytjeve brenda 4 muajve

admin

Turqia kundërshton armëpushimin “sipërfaqësor” mes Armenisë dhe Azerbejxhanit

admin

Mediat malazeze, Abazoviç ministri i ri brendshëm

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...