Agjencia Zhurnal.mk
Bota

Rrëzimi i një helikopteri në Alaskë, njëri nga viktimat është edhe njeriu më i pasur i Republikës Çeke

Biznesmeni më i pasur i Republikës së Çekisë, Petr Kellner, ka vdekur pas rrëzimit të një helikopteri në Alaskë, njoftoi grupi i tij financiar PPF.

“PPF njofton me trishtim të madh, se më datë 27 mars 2021, aksionari kryesor i PPF-së, Petr Kellner vdiq tragjikisht në një aksident me helikopter në malet e Alaskës”, tha grupi, përmes një deklarate të shkurtër më 29 mars.

Hetimet për aksidentin, në të cilin humbën jetën pesë persona, po vazhdojnë.

Mediat amerikane më herët raportuan se ata humbën jetën pasi helikopteri i tyre u rrëzua gjatë një ekskursioni afër akullnajës Knik në Alaskë.

Petr Kellner

Përveç biznesmenit çek, në aksident janë vrarë Benjamin Larochaix, gjithashtu nga Republika Çeke, dy nga udhëzuesit e ekskurzionit, dhe piloti i helikopterit, raportuan mediat duke cituar zyrtarët.

Trupat e shtetit të Alaskës thanë se një person ka mbijetuar dhe është në gjendje të rëndë shëndetësore, por të qëndrueshme.

Kellner, 56 vjeç, filloi të bëjë pasuri në vitet 1990 përmes një fondi investimesh, të cilin ai e përdori për të blerë kompaninë më të madhe të sigurimeve të vendit.

Revista Forbes ka vlerësuar se ai posedonte pasuri në vlerë 17.5 miliardë dollarë.

Në tetor të vitit 2020, miliarderi bleu Ndërmarrjet e Medias të Evropës Qendrore, një rrjet i madh transmetues evropian, në vlerë 1.1 miliard dollarë.

Pas blerjes, në Çeki u ngritën shqetësime se ky rrjet mund të humbasë pavarësinë editoriale.

Grupi PPF ka investuar në fushën e telekomunikacionit, prodhimit, medias dhe inxhinierisë në biznese kryesisht në Evropë, Azi dhe Shtetet e Bashkuara.

Më 2018, PFF u bë pronari i vetëm i aseteve të telekomunikacionit “Telenor” në Serbi, Mal të Zi, Bullgari dhe Hungari.

Në mesin e vitit 2020 pasuritë e kësaj koorporate arritën vlerën gati 52 miliardë dollarë.

Grupi përbëhet nga Home Credit International, huadhënësi më i madh jo bankar në botë, me aktivitete të gjëra në tregjet ruse dhe kineze.

Kryeministri çek, Andrej Babis, ngushëlloi familjen Kellner, duke thënë se kjo është një “tragjedi e pabesueshme”

Vajza e Kellner, Anna Kellnerova, tha se varrimi i tij do të mbahet “vetëm me anëtarët e ngushtë të familjes”.

Grupi i tij financiar, PPF, ka dhuruar miliona aparate për frymëmarrje, maska dhe mijëra teste të koronavirusit për të ndihmuar përballjen e vendit me pandeminë e koronavirusit.

Postime të ngjashme

Zviceranët votojnë kundër masave për ndryshimet klimatike

Dafina Vidishiqi

A është Turqia ende një aleat i besuar i NATO-s?

Dafina Vidishiqi

Biden: Nuk po kërkoj konflikt

Dafina Vidishiqi

Netanyahu humb pushtetin në Izrael

Dafina Vidishiqi

Macron: G7 nuk është armiqësore me Kinën

Dafina Vidishiqi

​Blinken zbulon: E vetmja gjë për të cilën pajtohem me Putin

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...