Rritet numri i viktimave të vërshimeve në Turqi, Erdogani viziton zonën

Ka shkuar në 38 numri i viktimave të vërshimeve në pjesën veriore të Turqisë. Ekipet e kërkim-shpëtimit po e vazhdojnë punën për të gjetur njerëz të zhdukur.

 

Ministri turk i Shëndetësisë, Fahrettin Koca, njoftoi të premten vonë përmes rrjeteve sociale se 32 persona kanë vdekur në provincën Kastamonu, ndërsa gjashtë të tjerë në Sinopin fqinj. E njëjta shifër u publikua edhe nga Agjencia për Menaxhimin e Fatkeqësive.

Disa njerëz janë zhdukur, por nuk dihet shifra e saktë. Politikani opozitar, Hasan Baltaci, tha se banorët i kanë kontaktuar autoritetet për të kërkuar informata rreth 329 njerëzve që dyshohet se janë zhdukur, shkruan The Guardian.

Presidenti turk, Rexhep Erdogan, e vizitoi të premten një ndër zonat më të prekura. Ai gjithashtu mori pjesë në funeralin e njërës prej viktimave dhe e udhëhoqi namazin para qindra banorëve në qytetin Kastamonu.

“Do të bëjmë gjithçka që mundemi si shtet sa më shpejt që mundemi dhe të ngrihemi nga hiri. S’mund t’i kthejmë qytetarët që i humbëm, por shteti ynë i ka mënyrat dhe fuqinë për t’i kompensuar ata që i humbën më të dashurit”, tha presidenti turk, i cili i anuloi aktivitetet për shënimin e 20-vjetorit të partisë së tij.

Related posts

Nëntë “spiunë” tërhiqen zvarrë në një shesh publik, detyrohen të shtrihen dhe qëllohen për vdekje nga rebelët e mbështetur nga Irani në Jemen

D V

Epokë e re në marrëdhëniet Izrael-Emirate: Hapet konsullata e parë izraelite në Dubai

Redaksia

Tre adoleshentë finlandezë u dënuan pasi rrahën për vdekje nxënësin 16-vjeçar

D V

This website uses cookies to improve your experience. We'll assume you're ok with this, but you can opt-out if you wish. Accept Read More