Shqipëri

‘Rrogat përcaktohen nga tregu punës jo qeveria’/ Kulluri kritika Bashës pas premtimit për të ardhura deri në 1 mln lekë në muaj: Gënjeshtra elektorale

Zhurnal Ads

Edvin Kulluri, një nga kritikët më të ashpër të Lulzim Bashës, nuk ka nguruar që të vërë sërish në shënjestër kryedemokratin duke e cilësuar si gënjeshtar dhe se me deklaratat e bëra për rritjen e të ardhurave i cilësoi si “gënjeshtra elektorale”. Basha premtoi se do të rriste shtresën e mesme me politikat e tij kur të vinte në pushtet dhe se të ardhurat do të shkonin në 1 milionë lekë në muaj, por për Kullurin kjo është e përshtatshme me shprehjen ‘kërcen prifti nga belaja’.

Kulluri, me një postim në Facebook, shkruan se premtime të tilla për të ardhura fikse nuk mund të premtosh pasi ato vendosen nga tregu i punës dhe jo nga qeveria dhe se rrogat rriten vetëm nëse rriten  ekonomia me investime të huaja e të brendshme. Sipas Kullurit, Basha është i paqartë pasi bën premtime, por nuk sqaron kurrë se si do t’i arrijë ato dhe çfarë hapash do të ndërmarrë për t’i realizuar.

“Genjeshtar lind, nuk behesh! Lulzim Basha ne Opinion paska leshuar disa genjeshtra elektorale te tipit “kercen prifti nga belaja”! Se pari kjo puna e “ te ardhurave” me 1 milione leke ne muaj” eshte perla e rradhes! Te ardhurat nuk fiksohen me shifra por rriten ne menyre te paparashikueshme ne vlera. Te ardhurat fikse jane vetem rrogat dhe ne tregun privat rrogat i vendos vete tregu i punes dhe jo qeveria, pervec sektorit publik. Nuk di asnje qeveri ne ekonomi tregu qe vendos rroga fikse ne privat pervec Bashes! Dhe rrogat rriten vetem nese rritet ekonomia qe dmth investimet e huaja dhe te brendshme!

Dhe pengesat kryesore per rritjen e ekonomise shqiptare jane ceshtja e prones dhe gjyqesori! E ne fakt per ceshtjen e pronave foli! Gjera per te cilat eshte hera e pare qe e ben! Por duhet te na shpjegoje se pari pse mban ne krah njerez qe kane drejtuar Agjensine e Kthimit te Pronave per 8 vjet gjate qeverisjes tone dhe e dijme c’kane bere! Ashtu sic ne krye te Bashkise Tirane nisi projektin e Bulevardit te Ri dhe pronaret e shtepive qe u prishen u demshperblyen me 200 mije leke m2, qe nuk dilnin per te blere vecse nje dhome! Ashtu sic nuk tha asnje fjale per Ligjin per Korporatat qe eshte zhvatja me e madhe e pronave nga “oligarket” dhe qeveria Rama! Oligarket tek te cilet Basha eshte klient!

Sa per gjyqesorin, eshte nje ceshtje qe parlamenti shqiptar ja delegoi nderkombetareve dhe situata dihet! Kaos! Cili eshte plani? Cfare do propozoje ne bashkepunim me nderkombetaret per te permiresuar apo pershpejtuar reformen? Asnje qartesi!

Ne fushate mund te thuash c’te duash por ceshtja e besueshmerise te atij qe i thote eshte thelbi i ceshtjes! Dhe ky zoteria nuk beson as vete ato qe thote, pasi nuk ka bere asnje perpjekje apo me keq ka bere te kunderten e asaj qe thote!

Me e bukura ishte shprehja “ programin po e bejne ekonomistet me te njohur ne bote”!!! Na thuaj ca emra se keta shqiptaret nuk i nje kush se nuk le asnje ekonomist ne PD se gjysmen i perzure ndersa te tjeret jane ca burokrate te vegjel!

Le ta mbyllim me rrogat e sistemit shendetesor qe fluturojne ne 700-1000 euro! Ku do i gjesh parate dhe pse nuk do rriten rrogat e ushtarakeve, policeve etj.?! Po administrates qendrore e lokale? Po te arsimit ne teresi?”,shkruan Kulluri.

Mbrëmjen e kaluar Lulzim Basha premtoi në një intervistë për mediat se “Synimi është që ne t’i pasurojmë shqiptarët, të krijomë shtresë të mesme do të thotë nqs se sot janë 20 mijë, të bëhen 50 mijë, të bëhen 100 mijë, të bëhen 200 mijë, të bëhen 600 mijë shqiptarë. Falë politikave tona që nesër, pas 2 vjetësh, pas 4 vjetësh të kenë 1 milion lekë të ardhura në muaj“.

Postime të ngjashme

“E patolerueshme, vetëm 44 % e krimeve seksuale ndaj fëmijëve dënohen”, Meta thirrje Kuvendit: Miratoni pr/ligjin për regjistrin me emrat e dënuarve

S.B.

SHBA: Nisja e punës së BKH, hap më tej drejt drejtësisë që shqiptarët duan

admin

Dr Senera sukses edhe në Kosovë, shqiptarët kudo e duan punën e saj…

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...