Agjencia Zhurnal.mk

Desktop Under Menu 1

Desktop Under Menu 2

Rummenigge: Ende nuk kemi vendosur për Perisicin

Drejtori i Përgjithshëm i Bayern Munich, Karl-Heinz Rummenigge ka pohuar se ende nuk është vendosur nëse i huazuari nga Interi, Ivan Perisic, do të mbetet në Allianz Arena.

Ylli kroat është rikthyer nga lëndimi dhe do të jetë në dispozicion të trajnerit Hans-Dieter Flick për ndeshjet e mbetura në Bundesligën gjermane këtë vit, por e ardhmja e tij ende nuk është e qartë.

Interi dhe Bayerni ranë dakord për një marrëveshje huazimi me opsionin për të blerë 31-vjeçarin për 20 milionë euro pas përfundimit të sezonit aktual, por Rummenigge zbulon se ‘Die Roten’ ende nuk kanë vendosur.

“Ne nuk kemi biseduar për këtë. Perisic është rikthyer kohët e fundit pas dëmtimit të këmbës”, ka thënë fillimisht Rummenigge për La Gazzetta dello Sport.

“Por, unë kam një marrëdhënie shumë miqësore me drejtorin e Interit, Beppe Marotta, kështu që le të shohim kur ai ka të luaj disa ndeshje, atëherë do të flasim”.

“Edhe lojtari dëshiron të dijë se ku do të luajë. Ende nuk është vendosur”, përfundoi drejtuesi gjerman.

Perisic, i cili arriti në Itali nga Wolfsburg në gusht 2015, ka shënuar katër herë në 16 ndeshje të Bundesligës që nga kthimi i tij në Gjermani. /Telegrafi/

Marketing 2/1

Marketing 2/2

Marketing 2/1

Marketing 2/2

XH.I

Lajmet e fundit

Loading...