Agjencia Zhurnal.mk
Kulturë

Sabri Hamiti ka botuar monografi për Naim Frashërin

“Naim Frashëri” është libri më i ri i akademik Sabri Hamitit që sapo ka dalë nga shtypi. Monografia për poetin kombëtar e romantikun e madh shqiptar, Naim Frashëri, është botuar në 120-vjetorin e shkuarjes së tij në amshim.

Në librin 170 faqesh thuret profili i shkrimtarit të dashur e të adhuruar të letërsisë shqipe, i cili kishte arritur statusin e pakontestueshëm të poetit kombëtar, por që për vite kishte qenë edhe i censuruar nga diktatura. “Poezia e Naimit është gjuha shqipe e shpirtëruar me pamje të dashurisë”, shkruan Sabri Hamiti në tekstin nistor të monografisë, për të konstatuar që “Edhe pse me Naimin na ndan një shekull, gjuha e poezisë së tij mbetet frymëzim edhe sot, si dikur”.

Ligjëruesja e studiuesja e letërsisë, Persida Asllani, librin “Naim Frashëri” e quan “Naim jete”, sepse “Është një Naim jete, me një lexim të gjatë e ngulmues, shtresëzuar nga përvojat e thella të jetës, nga përvojat edhe më të thella të letërsisë, nga metodologjitë studimore e kritike të subjektivizuara e sidomos nga një përsosje e pashoqe ndër vite e shkrimit për poe¬tin e poezinë, si finalitet fundor i çdo shkrimi për letërsinë. Sepse këtu synon të na kthejë ky libër i autorit, te zanafilla e Naimit, te gjuha e tij e zjarrtë, aty ku më parë Poradeci pat ndjerë poetikisht shenjtërinë e kombit, mendimin e frymëzuar, pasionet e jetës, poezinë e mirëfilltë dhe hyjninë.”

Ky është libri i dytë që ka botuar sivjet Sabri Hamiti. Para disa muajsh ka dalë libri i tij për epikun më të madh shqiptar, Gjergj Fishtën. Të dy librat janë rezultat i leximit sistematik që u ka bërë Hamiti këtyre shkrimtarëve klasikë shqiptarë.

https://www.facebook.com/sabrihamitiwriter/posts/10157621991301451

Postime të ngjashme

Ministria e Kulturës: Shfrytëzuesit e projekteve nga Konkurset vjetore për vitin 2021 duhet të hapin llogari të veçantë të transaksionit

R Zh

“Tregime të moçme shqiptare”, falas online në shqip-italisht

S.B.

Ora e lumtur për muralin me veshje kombëtare që po i bëhet në Ferizaj

S.B.

Promovimi i çështjes kombëtare në gazetën “Opinga” në Paris

S.B.

“Shqipëria ka zgjedhur Evropën”/ Kadare, mesazh për zgjedhjet dhe ndikimin turk: Shqiptarët, të mos vuajnë nga komplekset që është një komb çapaçulësh

S.B.

Piktura e papërfunduar e Raffaellos

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...