Teknologji

Samsung nënshkruan një marrëveshje prej 6.6 miliardë dollarësh me kompaninë amerikane për ndërtimin e rrjetit 5G

Zhurnal Ads

Grupi i Koresë së Jugut do të përfitojë nga sanksionet e Uashingtonit ndaj rivalit kinez

Samsung Electronics ka arritur një marrëveshje prej 6.6 miliardë dollarësh me Verizon (kompani amerikane e telekomunikacionit) për ta ndihmuar atë të ndërtojë rrjete 5G në SHBA, duke theksuar se si grupi i teknologjisë mund të përfitojë nga shënjestrimi i administratës Trump për Huawei, një kompani kineze, shkruan Financial Times.

Kompania koreano-jugore tha të hënën se kishte nënshkruar një kontratë për të furnizuar pajisjet e telekomit amerikan deri në fund të vitit 2025, transmeton Telegrafi.

Marrëveshja vjen ndërsa SHBA rrit sanksionet ndaj Huawei.

“Më shumë kompani do t’i drejtohen Samsung për pajisjet e tyre 5G për shkak të kufizimeve të SHBA ndaj Huawei”, tha Kim Young-woo, një analist në SK Securities. “Nuk ka shumë alternativa të tjera përveç Samsung dhe Ericsson nëse përjashtoni Huawei dhe Nokian”.

Kim pret që Samsung të zgjerojë pjesën e saj globale të tregut 5G duke fituar më shumë marrëveshje në SHBA, Evropë dhe Lindjen e Mesme ndërsa përfiton nga sanksionet që ka Huawei.

Huawei është përpjekur të hap rrjetet e saj 5G globalisht pasi Uashingtoni ka bërë presion që vendet e tjera të ndjekin shembullin e saj në ngrirjen e ndërmarrjes kineze. Nën presionin në rritje të SHBA-së, vendet përfshirë Mbretërinë e Bashkuar dhe India po heqin nga përdorimi pajisjet Huawei nga infrastruktura e tyre 5G.

Aksionet në Samsung u rritën me 2.1 për qind të hënën në mëngjes në Seul.

Postime të ngjashme

Android Auto ka probleme të mëdha me Android 11

admin

Facebook integron Messengerin në Instagram, ofron edhe disa risi

admin

5G në iPhone 12 nuk do të jetë plotësisht funksional në lansim

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...