Semi Jaupaj publikon këngën e re “Vuajtjet”

Këngëtarja e njohur, Semi Jaupaj, ka prezantuar së fundmi projektin e ri muzikor.

“Vuajtjet” mban titullin kjo këngë, të cilën e ka kompletuar edhe nga ana vizuale.

Teksti është shkruar nga vetë artistja në bashkëpunim me Emra Brah, gjersa për producimin u kujdes Moon Studio, Frensh.

Miksimi gjithashtu u bë nga Frensi me masterizim nga Lorenc Aliaj (Avaxus).

Të plotë tashmë këngën mund ta gjeni në YouTube, në kanalin e FullMoon Production.

Semi vitet e fundit ka qenë tejet e angazhuar me projekte të reja, të cilat janë pëlqyer nga publiku.

Ajo është e fokusuar më shumë në balada.