Agjencia Zhurnal.mk
Bota

SHBA-ja dhe Pakistani diskutojnë për luftën kundër terrorizmit

Sekretari amerikan i Shtetit, Antony Blinken, ka biseduar me ministrin e Jashtëm të Pakistanit, Shah Mahmood Qureshi, për procesin e paqes në Afganistan dhe luftën kundër terrorizmit.

Presidenti i Shteteve të Bashkuara, Joe Biden, muajin e kaluar, shpalli planin për tërheqjen e 2.500 trupave të mbetura amerikane nga Afganistani deri më 11 shtator.

Tërheqja do të bëhet katër muaj më vonë se afati i 1 majit, për të cilin ishin dakorduar talibanët dhe administrata e mëparshme amerikane e ish-presidentit, Donald Trump, transmeton REL.

NATO-ja ka thënë se do bashkërendojë me SHBA-në tërheqjen e më shumë se 7.000 forcave aleate.

Përveç procesit të paqes në Afganistan, në bisedën e tyre telefonike, Blinken dhe Qureshi kanë biseduar edhe për progresin e Pakistanit në luftën kundër terrorizmit dhe mundësinë e zhvillimit të lidhjeve tregtare”, njoftoi Departamenti i Shtetit në SHBA.

Tërheqja e forcave të huaja nga Afganistani ka nxitur shqetësimin rajonal në lidhje me aftësinë e forcave të sigurisë afgane për të kontrolluar situatën kundër talibanëve në mungesë të një marrëveshjeje paqeje.

Muajin e kaluar, Sekretari i Mbrojtjes i SHBA-së, Lloyd Austin diskutoi me shefin e ushtrisë së Pakistanit, gjeneralin, Qamar Javed Bajwa për situatën rajonale të sigurisë.

Postime të ngjashme

Tragjedi në Peru, përmbyset autobusi, të paktën 27 viktima

Lea Muslija

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

Macron: Vizitori i parë i kancelares në Berlin

Dafina Vidishiqi

BE humb betejën ligjore ndaj kompanisë AstraZeneca për furnizimin me vaksina

Dafina Vidishiqi

Udhëtarët nga Mbretëria e Bashkuar do të duhet të hyjnë në karantinë me të mbërritur në Itali

Dafina Vidishiqi

Guterres riemërohet Sekretar i Përgjithshëm i OKB-së

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...