Agjencia Zhurnal.mk
Bota

ShBA-ja, Iranit ia lejon transferet për blerjen e valutave të huaja

Irani e ka marrë miratimin nga Shtetet e Bashkuara për përdorimin e rezervave të valutave të huaja që i ka jashtë vendit për të blerë vaksina kundër koronavirusit, pavarësisht sanksioneve amerikane ndaj bankave iraniane.

Guvernatori i Bankës Qendrore të Iranit, Abdolnaser Hemmati, tha se Zyra për Kontrollimin e Aseteve të Huaja e Departamentit të Thesarit në Shtetet e Bashkuara e ka miratuar transferimin  e parave në një bankë zvicerane.

Hemmati bëri të ditur se Irani do të paguajë rreth 244 milionë dollarë për importimin fillestar të 16.8 milionë dozave të vaksinës së COVAX-it, që është plan botëror për shpërndarjen e vaksinave kundër sëmundjes Covid-19, i hartuar nga Organizata Botërore e Shëndetësisë.

Zyrtarët iranianë më herët kanë thënë se sanksionet e vendosura nga Shtetet e Bashkuara po e pamundësojnë kryerjen e pagesave për programin COVAX, shkruan Free Europe.

“Ata (amerikanët) kanë vendosur sanksione ndaj të gjitha bankave tona. Ata e pranuan këtë rast nën trysninë e opinionit publik botëror”, tha Hemmati për televizionin shtetëror iranian.

Ndryshe, Irani është vendi më i prekur nga pandemia në Lindjen e Mesme dhe deri më tani ka regjistruar më shumë se 54.000 viktima të koronavirusit.

Postime të ngjashme

Muzeu Kombëtar i Ndërtimit në Uashington rihapi dyert e tij pas më shumë se një viti

N E

Organizata Botërore e Shëndetësisë variantin indian të koronavirusit e klasifikon si “shqetësim global”

N E

Humbin jetën 11 persona gjatë një sulmi të armatosur në Nigeri

N E

Italia gjatë 24 orëve të fundit regjistron 5.080 raste të reja me Kovid-19

N E

Pfizer-Biontech: Nuk ka nevojë të zhvillohet një formulë e re e vaksinave

N E

Në Angli nuk është regjistruar asnjë vdekje si pasojë e Kovid-19

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...