Agjencia Zhurnal.mk
Bota

Shefja e Agjencisë Europiane të Barnave: Katër vaksinat që kemi autorizuar janë të sigurta

Ndërkohë që mëdyshjet mes njerëzve për t’u vaksinuar apo jo kundër koronavirusit janë ende në nivele të larta, Shefja e Agjencisë Europiane të Barnave, Emer Cooke jep lajmin e mirë që mund të ndryshojë sjelljen ndaj vaksinave.

Në një intervistë të gjatë për mediat italiane, Emer Cook rendit disa nga arritjet e EMA dhe bën thirrje që edhe përse vaksinat kanë dalë, njerëzit duhet të kenë ende kujdes dhe të mos humbin vigjilencën.

“Në më pak se 15 muaj kemi arritur të autorizojmë katër vaksina dhe pas një viti e gjysmë kemi 196 milionë doza të shpërndara në të gjithë Evropën, nga të cilat 34 milionë vetëm javën e kaluar. Të paktën 80% e njerëzve mbi 80 vjeç dhe 80% e punonjësve të kujdesit shëndetësor kanë marrë të paktën një dozë të vaksinës. E gjithë kjo është pozitive, shumë positive”, tha Cook.

Më tej, shefja e EMA konfirmon se 4 vaksinat e miratuara nga agjencia europiane funksionojnë, ndonëse nuk mohoi rastet kur janë regjistruar dhe efekte anësore.

“Mesazhi im ka të bëjë me të katër vaksinat që kemi autorizuar (BioNTech / Pfizer, Moderna, AstraZeneca dhe Johnson & Johnson): ato janë të sigurta, cilësore dhe efektive. Ne kemi një sistem shumë të rafinuar që na lejon të monitorojmë të gjitha efektet anësore të barnave dhe vaksinave që sjellim në tregun Evropian. Për të qenë i sinqertë ka efekte të tjera anësore të mundshme që ne jemi duke monitoruar vazhdimisht dhe që ekspertët tanë po shqyrtojnë”, tha mes të tjerash Cook.

Postime të ngjashme

Pamje si në luftë, tornado goditet Çekinë – disa fshatra janë rrafshuar me tokë, ka edhe viktima

Dafina Vidishiqi

Britaniku 72 vjeç, rezultoi 43 herë pozitiv me coronavirus

Dafina Vidishiqi

“Pasurinë ia la vëllait”/ Biznesmeni i njohur i jep fund jetës me dy plumba, mesazhi që u gjet në makinën e tij

Dafina Vidishiqi

Rreth 300 migrantë mund të kenë vdekur pas përmbytjes së anijes në Jemen

Dafina Vidishiqi

PE miraton rezolutë për të drejtën në abort të sigurt

Dafina Vidishiqi

Ambasadori amerikan kthehet në Moskë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...