Agjencia Zhurnal.mk
Maqedoni

Shekerinska: Do të bëjmë gjithçka që të gjejmë zgjidhje, por kurrsesi në llogari të linjave të kuqe

Zhurnal Ads

Shkup, 28 nentor – Do të bëjmë gjithçka që të gjendet zgjidhje, por në asnjë mënyrë në llogari të çështjeve për të cilat kemi thënë se janë linjat tona të kuqe, ndërsa këto janë gjuha dhe identiteti maqedonas, porositi sot ministrja e Mbrojtjes Radmilla Shekerinska.

“Dëshirojmë zgjidhje e cila do të jetë e qëndrueshme dhe e dobishme për të dyja vendet. Çfarëdo qoftë zgjidhje e cila prek në këto çështje, do të jetë arsye për mosbesim shtesë, e jo arsye për energji dhe besim të ri në marrëdhëniet midis nesh dhe Bullgarisë”, tha Shekerinska.

Në konferencë për shtyp në Qeveri, Shekerinska potencoi se në përgjithësi të gjithë në Qeveri janë optimistë se do të gjendet zgjidhje, por shtoi se nuk dëshiron të parashikojë sepse që të tejkalohet një kontest nuk janë të mjaftueshme vetëm optimizmi dhe vullneti i mirë i njërës palë, por vullnet, dëshirë dhe aktivitet i të dyja palëve.

“Si anëtare e Qeverisë punoj, shpresoj dhe mundohen të kontribuoj me aksione dhe propozime të caktuara që sa më shpejt të gjejmë zgjidhje për këto dilema për të cilat Bullgaria publikisht një kohë të gjatë i bën të ditur”, tha Shekerinska.

Lidhur me atë nëse në takimin e ardhshëm të ministrave të NATO-s do të bisedojë me kolegun e saj bullgar Karakaçanovin, Shekerinska tha se ka dashur këtë ta bëjë edhe në takimin e fundit të ministrave, por për fat të keq Karakaçanovi nuk ka marrë pjesë në atë takim.

“Takimi i ardhshëm, nëse nuk gaboj, është madje në shkurt ashtu që do të doja të shpresoj se deri atëherë do të ndodhin disa lëvizje, dhe në rast se nuk ndodhin, atëherë të shpresoj se të paktën takimet do të jenë drejtpërdrejt, e jo vetëm përmes video lidhjes së sigurt. Mendoj se kjo jep mundësi për   dërgim të mesazheve në tryezën e përbashkët, por edhe për bisedime në nivel dypalësh. Kur në vitin 2017 i nënshkruam marrëveshjet, madje edhe shumë marrëveshje për bashkëpunim në mbrojtje, kemi pritur se investojmë  jo vetëm në bashkëpunim ushtarak, por në besim më të madh. Për besim midis aleatëve më ndryshe duhet të funksionojmë dhe më ndryshe të veprojmë”, vlerësoi ministrja Shekerinska.

Zhurnal Ads
Zhurnal Ads

Postime të ngjashme

NP “Rrugët e Maqedonisë” do ta rrënojë objektin pa leje para QT “Mavrovasja”

E.E.

Ulet numri i shqiptarëve në Këshillin Sportiv të Agjencisë për Rini – Shkarkohen dy profesorë shqiptarë

R ZH

LSM: Mbeten edhe shtatë ditë për pagesën e K-15

Z H

Alternativa kundër vendosjes së bustit të Aqif Lleshit në Dibër

Z H

Shkup: Në repartet Covid janë pranuar 30 pacientë të rinjë ndërsa janë lëshuar 32

Z H

Stojanoska: Dekretet e miratuara nga Qeveria mbi gjendjen e jashtëzakonshme ishin për manipulim të zgjedhjeve

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...