Shqipëri

Shembja e teatrit, Meta me gjuhë ‘kërcënuese’: Gjithçka është mbajtur shënim…askush nuk ka për t’i shpëtuar Drejtësisë

Zhurnal Ads

TIRANË -Presidenti i Republikës Ilir Meta, në Ditën e Trashëgimisë Kulturore ka përdorur një gjuhë kërcënuese duke thënë se krimet e rënda kushtetuese ligjore dhe morale, veçanërisht në Tiranë e Durrës kundër trashëgimisë kulturore do të jenë të paamnistueshme.

Kreu i Shtetit thekson se akti taleban i shembjes së Teatrit Kombëtar dhe shkatërrimi i shumë vlerave unikale arkeologjike në Durrës janë dëshmitë ulëritëse se si arroganca, korrupsioni dhe papërgjegjshmëria e një pushteti mund të sjellë dëme të pariparueshme për trashëgiminë tonë kombëtare e kulturore. Meta garanton shqiptarët se gjithçka është mbajtur shënim dhe askush nuk ka për t’i shpëtuar Drejtësisë!

MESAZHI I PLOTË:

Akti taleban i shembjes së Teatrit Kombëtar, shkatërrimi i shumë vlerave unikale arkeologjike në Durrës dhe dëmtimi i disa monumenteve në mbarë vendin janë dëshmitë ulëritëse më të freskëta se si arroganca, korrupsioni dhe papërgjegjshmëria e një pushteti mund të sjellë dëme të pariparueshme për trashëgiminë tonë kombëtare e kulturore, pjesë e trashëgimisë europiane.

Të gjitha këto krime të rënda kushtetuese, ligjore dhe morale, të konsumuara veçanërisht në Tiranë dhe Durrës ku dëmet kanë qenë të jashtëzakonshme, do të jenë të paamnistueshme!

Sepse këto akte barbarie, për më tepër të kryera nga institucionet shtetërore, janë sulme të drejtpërdrejta ndaj identitetit tonë kombëtar.

Ndaj sot në Ditën Kombëtare të Trashëgimisë Kulturore i garantoj të gjithë shqiptarët se gjithçka është mbajtur shënim dhe askush nuk ka për t’i shpëtuar Drejtësisë!

Duke kujtuar Profesor Paolo Vittin i cili me të drejtë thotë se: “Europa nuk është vetëm euro, por edhe kulturë, solidaritet, humanizëm dhe identitet”, risjell edhe njëherë në vëmendje qëndrimin e “Europa Nostra” në lidhje me shembjen e Teatrit Kombëtar: “Le të jetë kjo ngjarje e mjerueshme ajo që do të shënojë fillimin e një zgjimi të vërtetë të shoqërisë civile në Shqipëri të udhëhequr nga artistë dhe intlektualë”.

Barbaria dhe talebanizmi nuk kanë vend në shoqërinë tonë! KOHA PËR DREJTËSI! 🇦🇱

Postime të ngjashme

I shitën armë autorëve të sulmit me 86 viktima në Nice, lirohen nga burgu 2 shqiptarët

T E

Basha përkujton 74-vjetorin e lëvizjes së parë antikomuniste: Ky model na udhëheq ende

admin

‘Shqipëria vazhdon të rrudhet’, vendi i dytë mbas Sirisë për azilkërkuesit

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...