Shfaqja e depresionit dhe ankthit te të rinjtë u dyfishua gjatë pandemisë

Sipas një studimi të ri, i cili u krye në nivel global, shfaqja e depresionit dhe ankthit te të rinjtë u dyfishua gjatë pandemisë së coronavirusit.

 

Një në katër adoleshentë në botë vuan nga simptomat e depresionit, ndërsa një në pesë vuan nga simptomat e ankthit.

“Rezultatet e këtij hulumtimi sugjerojnë se pandemia ka shkaktuar një krizë globale të shëndetit mendor të të rinjve”, ka deklaruar Sheri Madigan, autore e hulumtimit dhe profesoreshë e psikologjisë në Universitetin e Calgary në Kanada.

Me kalimin e kohës, simptomat u përkeqësuan. Ato janë rezultat i izolimit, problemeve familjare dhe financiare dhe vështirësive që të rinjtë kanë hasur në shkollimin online.

Hulumtimi u botua në revistën mjekësore JAMA Pediatrics. Ai analizoi më shumë se 80.000 pjesëmarrës në nivel global midis moshës 4 dhe 17 vjeç, me një moshë mesatare 13 vjeçare. U përdorën të dhëna klinike empirike mbi depresionin dhe ankthin të mbledhura nga Azia Lindore, Evropa, Amerika dhe Lindja e Mesme.

“Fëmijët dhe të rinjtë janë përballur me ndryshime të mëdha gjatë pandemisë që kanë shkaktuar stres. Kur problemet e shëndetit mendor vazhdojnë dhe nuk adresohen siç duhet, mund të ketë pasoja të qëndrueshme”, është shprehur tutje Madigan.

Stresi kronik dhe paqëndrueshmëria që përjetojnë fëmijët mund të çojnë në ndjenja të pashpresës, e cila është një nga paralajmëruesit kryesorë të vetëvrasjes.

Hulumtimet kanë gjetur gjithashtu se fëmijët më të mëdhenj kanë më shumë gjasa të sëmuren se ata të vegjlit për shkak të pubertetit dhe ndryshimeve hormonale që ndodhin për shkak të mungesës së ndërveprimit shoqëror. 

Related posts

Pija e cila alkalizon trupin: Për dukje rinore, preventivë kanceri dhe energji tërë ditën!

D V

Pse gratë shtatzëna kanë ëndrra të këqija: Identifikoni shkakun e problemit dhe dëgjoni këshillat tona

D V

Arsyeja befasuese pse nuk duhet të stresoheni për shtimin e peshës ndërsa plakeni

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com