Agjencia Zhurnal.mk
Bota

Shkencëtari i NASA jep lajmin: Jemi duke zbuluar jetë në mars, por bota nuk është e përgatitur (FOTO)

Zhurnal Ads

Teksa ne tokësorët e vegjël mësojmë gjithnjë e më shumë për universin dhe mund të jemi në prag të zbulimeve të mëdha për planetin Mars, mund të mos jemi ende gati për t’i mësuar ato, paraljmëron së fundmi një shkencëtar i agjencisë hapësinore amerikane NASA.

Dr. Jim Green beson se dy sondat zbuluese të NASA dhe të Agjencisë Evropiane Hapësinore që nisin misionin në Mars verën e ardhshme, mund të sjellin zbulime me pasoja serioze në të ardhmen.

Green, drejtor i degës së shkencës planetare të NASA i krahason zbulimet e pritura me ato të astronomit të epokës së Rilindjes, Nicolaus Kopernicus, i cili dha i pari teorinë se toka rrotullohet rreth diellit dhe jo e kundërta siç besohej para tij.

Modeli i Kopernikut ka revolucionarizuar shkencën gjatë shekullit të 16-të, por atij i solli tërbimin e kishës katolike romake pasi binte në kundërshtim me doktrinën e saj.

“Ne mund të nisim një linjë tërësisht të re mendimi. Nuk besoj se jemi të përgatitur për rezultatet. Jam i shqetësuar sepse besoj se jemi pranë zbulimit dhe dhënies së njoftimeve”.

Sonda evropiane ExoMars dhe ajo e NASAs, Mars 2020 do të gërrmojnë 2.5 metra në sipërfaqen e planetit të kuq duke marrë mostra me shpresë për zbulimin e provave të jetës. Mostrat do të procesohen në laboratorin që ato do të kenë me vete për të zbuluar gjurmë të lëndëve organike.

Green thotë se nëse shkencëtarët gjejnë gjurmë biologjike në sipërfaqen e Marsit, një epokë e re astrobiologjie do të nisë.
“Do të ketë një seri të re pyetjesh shkencore që ngrihen; Do të ketë jetë si e jona? A mund të zhvendoset jeta nga një planet në tjetrin?Apo nëse kemi një shkëndijë në mjedisin e duhur jeta mund të lindë, qoftë si e jona apo në formë tjetër?”

Sonda e NASAs, Mars 2020 do të lëshohet korrikun që vjen për të nisur udhëtimin 140-milionë milje drejt Marsit, për t’u ulur në kraterin Jezero në shkurt 2021. Me dy kamerat e rezolucionit të lartë dhe dronit të pavarur me helika, sonda do të mbledhë imazhe dhe të dhëna të paprecedenta të terrenit.

Studime të fundit kanë treguar se planetet që duken të pabanueshme më parë mund të kanë pasur kushte të përshtatshme për jetën. Sonda e NASAs, InSight ka zbuluar prova të një rezervuari gjigand uji në Mars. (Telegraph)

Zhurnal Ads
Zhurnal Ads

Postime të ngjashme

Katër javë në luftë, pas takimit në Moskë, Armenia dhe Azerbajxhani i drejtohen SHBA-së

admin

Austria vazhdon izolimin deri më 7 shkurt

T E

Norvegji: Gjendet i vdekur një djathist anti-islamik

admin

Grindjet Trump-Biden çojnë në ndryshim rregullash

admin

Mbi 13 mijë raste të reja në Afrikë në vetëm 24 orë

S.B.

BE me sanksione të reja për Bjellorusinë, përfshihen edhe bizneset

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...