116
Një varkë me 22 persona në bord u mbyt në orët e para të së hënës në brigjet e qytetit sicilian të Palermos dhe 7 persona rezultojnë të zhdukur, raportojnë mediat italiane.
Roja Bregdetare e Italisë dhe zjarrfikësit shpëtuan 15 persona, duke përfshirë një fëmijë, pasi anija, me flamur britanik, u mbyt kur një stuhi dhe det i trazuar goditi zonën me lindjen e diellit, shkruajnë mediat e huaja, përcjell Telegrafi.
Agjencia e lajmeve Adnkronos raportoi se varka mbante dy shtetas anglo-francezë, një shtetas irlandez, një zelandez të ri dhe një Sri Lankan, ndërsa pjesa tjetër ishin britanikë.
Zhytësit nga departamenti i zjarrfikësve po vazhdojnë kërkimet rreth anijes, tani në një thellësi prej rreth 50 metrash dhe rreth 1 kilometër larg bregut.