Shtetasi i Maqedonisë sulmohet fizikisht në Kosovë

Një shtetas i Maqedonisë është sulmuar fizikisht nga tre persona në orët e hershme të mëngjesit të së shtunës në Shkabaj, në autostradën Prishtinë–Mitrovicë.

Sipas policisë së Kosovës, incidenti ka ndodhur më 9 gusht 2025, rreth orës 01:40, kur tre të dyshuar meshkuj nga Kosova e kanë sulmuar fizikisht viktimën, e cila pas incidentit ka marrë ndihmë mjekësore.

Pas ndalimit dhe marrjes në pyetje të të dyshuarve, me vendim të prokurorit, njëri prej tyre është ndaluar, ndërsa dy të tjerët janë liruar në procedurë të rregullt.

Policia ka nisur hetime për të zbuluar plotësisht rrethanat që çuan në sulmin fizik, ndërsa rasti është klasifikuar si “sulm” dhe po trajtohet më tej nga organet e drejtësisë.