Bota

Shtimi i rasteve në Evropë, OBSH paralajmëron për mbushje të spitaleve

Teksa prirja e përhapjes së koronavirusit është përkeqësuar në gjithë Evropën, Organizata Botërore e Shëndetësisë ka ngritur me shqetësim zërin për faktin se në shumë shtete sistemi i shëndetësisë po përballet me fluks të rënduar pacientësh.

Sipas OBSH-së shumë spitale po i afrohen kapaciteteve maksimale dhe, nisur nga situata, disa mund të duhet edhe t’i tejkalojnë ato.

Prej fillim-vitit 2020, kur Evropa u përfshi nga pandemia e COVID-19, numri i personave të prekur në gjithë kontinentin ka shkuar në rreth 8.2 milionë, prej së cilëve 258 mijë kanë humbur jetën.

Franca, një nga dy shtetet, bashkë me Spanjën, që kaluan këtë javë totalin e 1 milionë rasteve, vendosi shtetrrethimin duke detyruar popullsinë e saj prej rreth 46 milionë banorësh të ndjekin masa edhe më të rrepta kundër përhapjes së infeksionit.

Gjermania nga ana tjetër kaloi të shtunën pragun e 10 mijë viktimave nga koronavirusi. Ndërkohë që në lindje të Evropës, dhjetëra shtete po ashpërsojnë masat në përpjekje për të ulur prirjen e infeksionit dhe kontrolluar pandeminë.

Në Belgjikë, ministri i Shëndetësisë, e cilësoi situatën alaramante teksa vendi po vuan “një cunami me të infektuar” duke detyruar anulimin e të gjitha operacioneve apo konsultave jo-emergjente nëpër spitale.

Autoritetet belge thuhet se po mendojnë të vendosin edhe ata shtetrrethimin javën e ardhshme.

Situatë e ngjashme paraqitet edhe në Holandë ku autoritetet kanë thënë se në rast se prirja vijon me intensitetin aktual, në fund të nëntorit do të duhet të përshtatin shërbimet e treçerekut të spitaleve.

Të njëjtën masë parashikon të marrë edhe Çekia, e cila po vuan prirjen më të lartë në Evropë, në raport me popullsinë.

Sipas Universitetit amerikan John Hopkins, prej dhjetorit 2019 e deri më sot në gjithë botën janë prekur nga koronavirusi mbi 42 milionë vetë, prej së cilëve 28.5 milionë (67.8% e totalit) kanë mundur të shërohen, ndërsa 1.1 milionë (2.6% e totalit) kanë humbur jetën.

Postime të ngjashme

FOTO/ Incident i rëndë në Egje, anija ushtarake greke ndahet në gjysmë

admin

Doktorët në Belgjikë thonë se po iu kërkohet të punojnë dhe pse janë të infektuar me Covid-19

admin

Vullkani më aktiv në Islandë është drejt shpërthimit

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...