Agjencia Zhurnal.mk
Bota

Shtohen përpjekjet diplomatike për të ndalur luftimet në rajonin e Nagorno Karabakut

Përpjekjet diplomatike për të ndalur luftimet për rajonin e Nagorno Karabakut, morën vrull më 6 tetor, pas më shumë se një jave betejash të fuqishme midis forcave armene dhe azerbajxhanase.

Ministri i Jashtëm turk, Mevlut Çavusoglu, u takua me presidentin e Azerbajxhanit, Ilham Aliyev në Baku, ndërsa kryeministri i Armenisë, Nikoll Pashinian, diskutoi për situatën në një bisedë telefonike me presidentin rus, Vladimir Putin.

Luftimet që shpërthyen më 27 shtator midis forcave armene dhe azerbajxhanase kanë rritur shqetësimin se mund të rezultojë një konflikt më i gjerë.

Turqia, është aleati më i afërt i Azerbajxhanit, ndërsa Rusia, ka një pakt mbrojtjeje me Armeninë.

Luftimet e fundit kanë ngritur shqetësime ndërkombëtare pjesërisht edhe për shkak të afërsisë së rajonit me tubacionet që transportojnë gaz dhe naftë të Azerbajxhanit në Evropë.

“Jemi në Baku për t’u treguar vëllezërve tanë në Azerbajxhan mbështetjen dhe solidaritetin e shtetit tonë dhe të kombit tonë”, shkroi avusoglu më 6 tetor.

Azerbajxhani dhe Armenia kanë bërë akuza të ndërsjella për fillimin e luftimeve në të cilat janë raportuar të vrarë më shumë se 250 njerëz.

Armenia tha më 6 tetor se nata e kaluar kaloi relativisht e qetë në zonën e konfliktit në Nagorno Karabak.

“Pas disa thirrjeve të bashkësisë ndërkombëtare për të ndaluar menjëherë luftimet në zonën e konfliktit të Nagorno Karabakut, nata kaloi relativisht e qetë”, shkroi në rrjetin social Facebook, Shushan Stepanian, një zëdhënës i ministrisë së Mbrojtjes së Armenisë.

Azerbajxhani dhe Armenia janë përfshirë në një konflikt mbi rajonin malor që nga rënia e Bashkimit Sovjetik. Ato zhvilluan një luftë që përfundoi më 1994 në të cilën rreth 30,000 persona u vranë dhe qindra mijëra të tjerë u zhvendosen./REL/

Postime të ngjashme

Holanda njeh gjenocidin e Perandorisë Osmane ndaj armenëve, reagon Turqia

S.B.

Bruksel, Samit BE-NATO për sigurinë

S.B.

SHBA kryesoi shpenzimet globale të mbrojtjes për vitin 2020

S.B.

Probleme me motorin, një tjetër avion Boeing 777 bën ulje të detyruar

S.B.

Sulmohet burgu në Haiti, 8 viktima, mes tyre drejtori i burgut

S.B.

“Princi i Kurorës Saudite, i përfshirë në vrasjen e Khashoggit”

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...