Agjencia Zhurnal.mk
Maqedoni Temë TOP LAJM

Shumica parlamentare “në respirator”/ Edhe sa do të mund të mbijetojë !?

Shkup, 3 mars – Zhurnal.mk – Shumica parlamentare në Maqedoni të Veriut vazhdon të përballet me sfida dhe pengesa në funksionim, kjo përshkak pandemisë, përplasjeve mes partive në koalicion, pavarësimi i disa partive të koalicionit, e shumë arsye të tjera.

Kuvendi tanimë një periudhë të konsiderueshme nuk po mundet të funksionojë siç duhet, nuk mbahen seanca plenare, komisionet nuk mund të mbajnë debate dhe e gjithë kjo ndikon në stabilitetin e shumicës qeveritare dhe vet jetën e qytetarëve, shkruan Zhurnal.

Analisti politik Petar Arsovski këtë problematikë e sheh si jo tejet shqetësuese, dhe konsideron se së paku deri në zgjedhjet lokale kjo shumicë do të vazhdojë kështu, por se pas zgjedhjeve lokale, nuk përjashtohen pengesa dhe sfida të reja në funksionim.

“Për momentin nuk shoh ndonjë veprim që të mund të shpërbëhet, edhe pse brenda koalicionit ka shumë tensione por për momentin nuk shoh shenja, së paku deri në zgjedhjet lokale të mund të shpërbëhet shumica parlamentare. Patjetër që pas zgjedhjeve lokale do të vazhdojnë problemet”, shprehet Arsovski për Zhurnal

Ai shton se funksionimi si të pavarur të disa partive të vogla të cilat ishin në koalicion me LSDM-në, më tepër janë për arsye praktike dhe se ata duan të krijojnë një grupë të re parlamentare.

“Paralajmërimet e LD-së, PLD-së dhe disa partive se do të veprojnë si të pavarur, më tepër janë si arsye praktike. Mendoj se ata duan të bëjnë një grupë të re parlamentare e cila do u mundësojë disa levërdi nga rregullorja. Nuk mendoj se veprimi i tyre është i lidhur me braktisjen e koalicionit. Përshkak se koalicioni është i përbërë nga më tepër parti, ajo do të përballet me sfida të vazhdueshme. Nuk do të kenë ditë të qetë sepse koalicioni është shumë i ngushtë”, shprehet Arsovski.

Nga ana tjetër edhe ish kryetari i Kuvendit Stojan Andov konsideron se ngecja e punës në Kuvend nuk është e shëndoshë për shoqërinë, por është e qartë se diçka po vlon brenda koalicionit.

“Vështirë dikush të parashikojë sa do të mund të mbijetojë. Është e qartë se diçka po vlon brenda koalicionit por sa e shoh kryeministri prap se prap po gjindet dhe po e menaxhon disi atë shumicë të ngushtë.

Në Kuvend ka ngecje dhe kjo nuk është mirë për shoqërinë mirëpo kjo është situata, të shohim çfarë do të ndodhë. Është vështirë të thuhet diçka kur ka shumë paqartësi”, potencoi Andov për Zhurnal.

Ndryshe kryeparlamentari Xhaferi paralajmëroi se gjatë javës do të mbahet seancë plenare, dhe se do të përmbushet numri i nevojshëm prej 61 deputetëve për votim të ligjeve dhe propozim ligjeve të dorëzuara në Kuvend.//Zhurnal.mk

Postime të ngjashme

Shkupjani privohet nga liria për kontrabandim të emigrantëve

R Zh

Regjistrimi në Diasporë dukshëm më i ulët se sa ai para vendimit për shtyrje, kush i dëshpëroi!

R Zh

Mungesa e vaksinave ndërpret edhe fushatën e ndërgjegjësimit për vaksinim

R Zh

Tridhjetë ditë paraburgim për gjashtë të arrestuarit për tregti të paligjshme me 200 kilogram marijuhanë

R Zh

Sot 46 viktima dhe 687 raste të reja me COVID-19 në Maqedoni

R Zh

Qeveria demanton Milloshoskin: Zaevi dhe Spasovski nuk u kanë dhënë pasaporta pjesëtarëve të ISIS-it

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...