Agjencia Zhurnal.mk
Kuriozitete

Si duken pas 16 vitesh binjaket siameze

Në Dhjetor 2001, u zhvillua një operacion i rrezikshëm në Birmingham për të ndarë binjaket siameze tre muajsh, Sanchia dhe Eman Mowatt.

Ata e filluan jetën në fokusin e plotë të mediave botërore, por çfarë bëjnë sot motrat 19-vjeçare që sfiduan shanset mjekësore?

Në fund të procedurës së përpiktë prej 16 orësh, dy vajzat e vogla u ndanë. Ato i kishin kaluar tre muajt e parë të lidhur në shtyllën kurrizore.

Ishte një ditë e shquar në Spitalin e Fëmijëve Birmingham – hera e parë që një operacion i tillë ishte kryer në Mbretërinë e Bashkuar, dhe vetëm hera e tretë në botë.

Ishte gjithashtu një rrezik jashtëzakonisht i lartë – shkalla e mbijetesës për binjakët e bashkuar është midis 5 dhe 25%. Edhe nëse do të kishin kaluar përmes operacionit, njëra ose të dyja vajzat mund të ishin paralizuar pasi neurokirurgët ndanë me përpikëri shpinat e tyre, transmeton Dita.

Por, me gëzim, operacioni pati një sukses të plotë. Prindërit e emocionuar dhe të lehtësuar të Sanchia dhe Eman, Emma dhe Davidi më në fund mund të mbanin nga një vajzë secila. Media në botë kapi përqafimet e para individuale të familjes.

Sanchia dhe Eman tani janë në universitet, së bashku me motrën e tyre të vogël Damaris e cila lindi vetëm 11 muaj pas binjakëve dhe ka qenë përkrah tyre gjatë jetës së tyre të jashtëzakonshme.

Mjekët parashikuan se motrat mund të bënin jetë normale nëse ndaheshin me sukses. Të dy kanë spina bifida por, me një këmbë të dobët secila, nuk dihej se si do të ndikonte kjo në zhvillimin e tyre.

“Ata nuk e dinin nëse do të ecnim”, thotë Sanchia. “Kur e bëmë, njerëzit thanë se ishte një mrekulli”.

Ishte Sanchia e cila fillimisht sfidoi pritjen, duke u ngritur në këmbë në moshën dy vjeç, me Eman pas pesë javësh më vonë. S’kaloi shumë dhe ata po vraponin rreth shtëpisë së familjes në periferi të Birmingham të Great Barr.

“Ne e dinim që në moshë të re se ishim ndryshe, takime në spital, operacione dhe nuk mund të bënim gjithçka që bënin miqtë tanë”, kujton Eman.

Vajzat e vijuan lidhjen me spitalin e fëmijëve që i dha atyre një jetë tjetër, ndërsa të dyja janë angazhuar me punë aty, si dhe kanë takuar mjekët që i ndanë 16 vite më parë.

Postime të ngjashme

Britanikut i erdhi një kartolinë nga një ‘fëmijë i panjohur’, gruaja ia shkatërroi laptopin dhe televizorin – u bë vonë kur e kuptoi se për çfarë bëhej fjalë

Dafina Vidishiqi

Test psikologjik/ Ajo që shihni në fillim ju tregon se çfarë përshtypje lini tek njerëzit e tjerë

Dafina Vidishiqi

Misteri që zgjati për 25 vjet: Dy vajza shkuan në një ‘hotel të përhumbur’ dhe që atëherë nuk i ka parë askush

Dafina Vidishiqi

Është më e madhe se një fushë futbolli dhe vazhdon të rritet – një gropë në Meksikë ka “gëlltitur” një shtëpi, por edhe dy qen

Dafina Vidishiqi

Studimi: Ky është medikamenti që redukton rrezikun e vdekjes ose shtrimit në spital nga COVID-19

Dafina Vidishiqi

E kishte kërkuar gjithë jetën, babait i bie të fikët në mes të emisionit kur takon vajzën pas 38 vitesh

Lea Muslija

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...