Agjencia Zhurnal.mk
Shëndetësi

Si ndikojnë temperaturat e larta tek personat që kanë probleme me tensionin e gjakut?

Temperaturat e larta në stinën e verës shkaktojnë zgjerimin e enëve të gjakut ndërkohë që vetë trupi përpiqet të ulë temperaturën e brendshme.

Shkaktarët e tensionit të lartë të gjakut janë të lidhur fort me shumë faktorë të stilit të jetesës ku përfshihet ushqyerja dhe aktiviteti fizik, shkruan AgroWeb.

Megjithatë, ekspertët thonë se temperaturat mund të ndikojnë gjithashtu tek tensioni i gjakut.

Sipas tyre, moti i nxehtë dhe ekspozimi në diell për një kohë të gjatë mund të ulë tensionin e lartë të gjakut.

Ata shpjegojnë se përgjithësisht, tensioni i gjakut është më i lartë në dimër dhe më i ulët në verë.

Çfarë Ndodh Me Tensionin e Gjakut Në Stinën e Verës

Temperaturat e larta në stinën e verës shkaktojnë zgjerimin e enëve të gjakut ndërkohë që vetë trupi përpiqet të ulë temperaturën e brendshme.

Një gjë e tillë shkakton një rënie të nivelit të tensionit të gjakut.

Në mot të ftohtë nga ana tjetër, enët e gjakut ngushtohen dhe tensioni është më i lartë.

Përpos të tjerave, shtimi në peshë dhe mungesa e aktivitetit fizik në dimër rrit tensionin e gjakut, thonë ekspertët.

Si Ndikon Vapa Tek Shëndeti i Zemrës

Temperaturat e larta nxisin trupin të djersijë më shumë për të ruajtur temperaturën e brendshme.

Kjo do të thotë që organizmi humbet më shumë lëngje se zakonisht dhe një gjë e tillë mund të shkaktojë një rënie të tensionit të gjakut.

Një gjë e tillë shkakton vështirësi tek njerëzit që vuajnë nga zemra.

Vapa e madhe mund të shkaktojë një barrë të rëndë tek zemra dhe qarkullimi i gjakut.

Zemra rreh më shpejt dhe punon më fort të pompojë gjak i cili duhet të qarkullojë sa më pranë sipërfaqes së lëkurës për të përshpejtuar djersitjen.

Gjaku trashet më shumë verë dhe bashkë me ndryshimet në nivelin e kolesterolit, kthehen në faktorë të rrezikshëm për shëndetin e zemrës.

Shoqata Amerikane e Zemrës thonë se ekspozimi i vazhdueshëm për dy ditë me rradhë në temperaturat përvëluese të verës mund të rrisë rrezikun e vdekjes së parakohshme si pasojë e një problemi me zemër.

Postime të ngjashme

Shenjat fillestare të sklerozës

D V

Mjekja paralajmëron të mos merrni aspirinë pa recetë mjekësore – mund të lindin komplikime serioze

D V

Truri është në gjendje të formojë lidhje të reja midis qelizave të veta

D V

Reagimi i organizmit tonë kur nuk jemi aktivë sa duhet

D V

Të moshuarit duhet të ndjekin këtë dietë popullore për të shtuar vite në jetën e tyre

D V

Ndikimi i konsumit të mishit në jetëgjatësi

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...