Shkup, 23 korrik – Mjekët amë kanë kërkuar para, ndërsa përfaqësuesit kompetent, kohë për të gjetur zgjidhje. Nuk kanë marrë përgjigje konkrete se kur do të marrin më shumë. Ministri në takim u ka thënë në vitin 2025. Mjekja Lilija Çollakova Dervishova pret që fondi i shëndetësisë, Ministria e Shëndetësisë, të bëjnë llogaritjet dhe t’ua zmadhojnë pikën e kapitacionit që të mos shuhet shëndeti primar.
“Rritja e pikës është diçka për të cilën folëm edhe me ministrin edhe me drejtorët e fondit. Kjo është kërkesë e cila sigurisht duhet të shkojë edhe me ribalansimin e buxhetit, pra një ribalans dhe në tetor do të ketë një ribalans tjetër të buxhetit dhe duhet të bëhet një matematikë dhe të shikohet, sepse faktet dhe numrat siç e dini gjithmonë janë në anën tonë. Nëse pika ka qenë dyzet e pesë denarë në vitin 2001 dhe tani ne jemi në vitin 2024 dhe pika është vetëm 75 denarë, mendoj… është qesharake të thuhet se është rritur vetëm për tridhjetë denarë, pra për një periudhë prej njëzet e tre viteve.”, – theksoi mjekja, Lilija Çollakova Dervishova.
Pas deklaratës së ministrit të Shëndetësisë, Arben Taravari, se nuk ka para për rritje, sindikalistët u nisën të kërkojnë zgjidhjen.
“Sot kemi takim në fondin e shëndetësisë me drejtorët. Për nesër kemi thirrur këshill ku do të vendosim se cilat janë hapat e ardhshëm. Kështu që për momentin nuk jemi të kënaqur me gjendjen e tanishme, të gjithë anekset kaluan në qeverinë e kaluar.”, – deklaroi Predrag Serafimovski nga Sindikata e Qendrës së Klinikës.
Me këtë problem janë të goditur rreth njëzet mijë njerëz që punojnë në shëndetësinë publike.