Singapori arrin numrin më të lartë ditor të rasteve me Covid-19, që nga fillimi i pandemisë

Ministria e Shëndetësisë e Singaporit raportoi 2,909 raste të reja me Covid-19 të premten, numri më i lartë i infeksioneve ditore në qytetin-shtet që nga fillimi i pandemisë.

Sipas mediave të huaja, përcjell Telegrafi, në këtë vend janë 1,356 raste të shtruara në spitale, 222 raste që kërkojnë “plotësim” të oksigjenit, dhe 34 raste në njësinë e kujdesit intensiv që nga e premtja, sipas ministrisë.

Ministria gjithashtu raportoi se në mesin e 31,057 individëve të infektuar gjatë 28 ditëve të fundit, 98.2% nuk kishin simptoma ose të lehta, falë shkallës së lartë të vaksinimit të vendit.

Deri të enjten, 82% e popullsisë së Singaporit kanë marrë dy doza të vaksinës kundër Covid-19, ndërsa 85% kanë marrë të paktën një dozë – një nga normat më të larta të vaksinimit në botë.

Ndryshe, ky vend largoi kufizimet e vendosura për shkak të Covid-19 në gusht si pjesë e strategjisë së tij “për të jetuar me virusin”, duke lejuar njerëzit e vaksinuar plotësisht të darkojnë në restorante dhe të mblidhen në grupe prej pesë vetash, nga dy nën kufizimet e mëparshme.

Por me përhapjen e variantit shumë ngjitës Delta, qeveria ka vendosur të rivendosë kufizimet të hënën.

Kufizimet më të rrepta përfshijnë kufizimin e tubimeve shoqërore, duke e bërë përsëri punën nga shtëpia standard, në vend që të ketë 50% të punonjësve në zyrë, dhe pezullimin ose lëvizjen e mësimeve përmes internetit për nxënësit e moshës 12 vjeç e poshtë.

Masat e reja do të rivlerësohen çdo dy javë, tha Ministria e Shëndetësisë.

Related posts

Macron: G7 nuk është armiqësore me Kinën

Redaksia

Dhjetë itinerare të reja për të vizituar Murin e Madh

Redaksia

Në 20 vjetorin e sulmeve të 11 shtatorit, Kamala Harris bën thirrje për unitet në vitin 2021

D V

This website uses cookies to improve your experience. We'll assume you're ok with this, but you can opt-out if you wish. Accept Read More