Siria thotë se të paktën 36 janë vrarë dhe dhjetëra janë plagosur në sulmin ajror izraelit në Palmyra

Të paktën 36 persona u vranë dhe më shumë se 50 të tjerë u plagosën në një sulm ajror izraelit në qytetin antik Palmyra në Sirinë qendrore sot, transmeton Anadolu.

Agjencia shtetërore e lajmeve SANA, duke cituar një burim ushtarak, tha se avionët luftarakë izraelitë kryen një sulm nga drejtimi i zonës Al-Tanf në Sirinë perëndimore duke synuar disa ndërtesa në qytet.

Në zonë raportohet për dëme të shumta materiale.

Media shtetërore siriane më herët raportoi se sulmi kishte në shënjestër ndërtesat e banimit dhe një zonë industriale në qytet.

Izraeli, i cili rrallë komenton për operacionet ushtarake, ka kryer sulme ajrore në Siri që nga viti 2011, me fokus në forcat iraniane dhe siriane dhe objektivat e Hezbollahut.