Agjencia Zhurnal.mk
Kosovë

Situata me COVID-19, Zemaj takon drejtorët e spitaleve: Po hyjmë në një fazë të re të përgjegjësisë, duhet të jemi të vëmendshëm

Zhurnal Ads

Ministri i Shëndetësisë, Armend Zemaj ka takuar sot drejtorët e spitaleve të përgjithshme si dhe të Shërbimit spitalor dhe universitar të Kosovës, ndërsa ka thënë se tashmë kur po hyjnë në një fazë të re të përgjegjësisë, pret nga secili përgjegjës që të jetë në nivelin e duhur, ritmi i punës të mos ulet dhe  puna të vazhdojë me përkushtim të shtuar.

Zemaj në një postim në rrjetin social Facebook shkruan se situata në spitalet tona aktualisht është stabile, por, duhet të jenë të vëmendshëm.

Lexoni të plotë postimin:

“Kam takuar drejtorët e spitaleve të përgjithshme si dhe të ShSKUK-së, për t’u njohur me gjendjen e spitaleve si dhe përgatitjet për situatën epidemiologjike. Tash për tash, situata në spitalet tona është stabile, por, jemi të vëmendshëm.

Përkujdesja shëndetësore nuk guxon të mungojë, për shkak të virusit. Asnjë kufizim i trajtimit të pacientëve nuk mund të bëhet në spitale e as QKUK.

Spitalet e përgjithshme në asnjë moment nuk mund ta ngarkojnë QKUK-në, duke udhëzuar rastet. Pacientët që mund të marrin trajtimin e duhur në spitalet rajonale, duhet të mbesin aty.

Llogaridhënia me transparencën janë të pandashme në punën tonë ditore, ky është edhe detyrimi i secilit menaxher e drejtues në sektorin publik.

Tashmë kur po hyjmë në një fazë të re të përgjegjësisë, pres nga secili përgjegjës që të jetë në nivelin e duhur, rritmi i punës nuk do të ulet, puna do të vazhdoj me përkushtim të shtuar.

Kemi shtuar edhe 200 mjekë si dhe 375 staf mbështetës të fushave të ndryshme, ndërsa në specializime edhe rreth 1500 mjekë të tjerë.

Bashkë ia dalim!”.

Zhurnal Ads
Zhurnal Ads

Postime të ngjashme

Përmbytje në Fushë Kosovë, uji depërton në shtëpi e banesa

S.B.

Në Bruksel vazhdon dialogu Kosovë-Serbi

S.B.

Vëllai i Nazlije Sherifit akuzon ashpër IKShPK-në, thotë se po bëjnë montime të rezultateve

T E

Kush është gjykatësi që po gjykon Thaçin, Veselin, Krasniqin e Selimin

R ZH

Osmani: Skënder Hyseni ka përvojë në negociata, por s’ka marrë vendime të mira politike gjatë karrierës

admin

Reçica me bashkëpunimin konkret me Fondin Monetar Ndërkombëtar për reformat sociale

D XH
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...