Agjencia Zhurnal.mk
Shqipëri

Skandali i ministres së Mbrojtjes/ Opozita: Olta Xhaçka për 2 muaj përdori helikopterët ushtarakë taksi partie dhe shpenzoi 1 miliardë lekë

Opozita publikon listën e udhëtimeve, janë shpenzuar 1miliardë lekë për “Taksinë” e partisë

Partia Demokratike dje, vijoi me denoncimin e Ministres së Mbrojtjes Olta Xhaçka, duke e akuzuar për përdorimin e burimeve shtetërore për fushatën e PS-së në Dibër. Ish-deputeti i PD-së, Xhemal Gjunkshi, ka publikuar një listë të udhëtimeve, që sipas tij, ka kryer  ministrja Xhaçka.

   Vetëm në 2 muaj, për të shkuar me helikopterin ushtarak në Dibër si e dërguar e Edi Ramës për fushatën zgjedhore, Olta Xhaçka ka shpenzuar rreth 100 milionë lekë

Denoncimi   

Gjatë kësaj jave ju kemi treguar me prova filmike se Ministrja e Mbrojtjes, Olta Xhaçka përdor helikopterin ushtarak si taksi për të bërë fushatë për Partinë Socialiste në Dibër. Deri tani, Olta Xhaçka nuk ka denjuar t’u japë qytetarëve asnjë shpjegim pse ajo përdor helikopterin 10 mijë euro vajtje-ardhje për një takim elektoral. Ka një arsye pse ministrja e qeverisë së Edi Ramës i fshihet ballafaqimit me të vërtetën. Olta Xhaçka ka frikë nga zbulimi i shkeljes së përsëritur të ligjit prej saj. E vërteta është se Ministrja e Mbrojtjes nuk e ka përdorur vetëm një herë helikopterin ushtarak ‘Cougar’ për fushatën e Partisë Socialiste. Vetëm 2 muajt e fundit, helikopteri ushtarak operacional, ka udhëtuar 22 herë për në Dibër për t’i shërbyer Olta Xhaçkës. Nuk ka patur asnjë stërvitje, nuk ka qenë për asnjë detyrë të saj funksionale, por ka shkuar me funksionin e drejtueses së qarkut të Dibrës për Partinë Socialiste. Të përdoresh 22 herë brenda 2 muajve helikopterin ushtarak për punët e parties,  nuk është vetëm shpërdorim skandaloz me detyrën, por edhe një abuzim i tmerrshëm me paratë e shqiptarëve. Vetëm në 2 muaj, për të shkuar me helikopterin ushtarak në Dibër si e dërguar e Edi Ramës për fushatën zgjedhore, Olta Xhaçka ka shpenzuar rreth 100 milionë lekë. Faktet janë konkrete dhe të pakundërshtueshme. Janë datat se kur Olta Xhaçka e ka përdorur helikopterin e Ministrisë së Mbrojtjes për punët e Partisë Socialiste. Helikopteri ushtarak, që përdoret për qëllime stërvitore, apo si ambulancë dhe operacione të tjera, që mban 27 persona në bord, përdoret si lodër nga Olta Xhaçka me 4-5 persona të stafit të ngushtë politik për qëllime partiake.

Të dhënat tregojnë se sa herë Olta Xhaçka ka punë partie në Dibër, helikopteri ka bërë edhe 2 rrugë brenda ditës, vajtje-ardhje. Një herë e dërgon në Dibër dhe kthehet në Farkë, pastaj shkon sërish edhe për një rrugë tjetër për ta marrë nga zona e saj elektorale. Ky është një nga aktet më të papërgjegjshme të qeverisë në ikje. Në vend që të ndëshkojë abuzimin me pushtetin duke shkarkuar Ministren e Mbrojtjes, Edi Rama hesht dhe bëhet palë me të, sepse ata ndajnë të njëjtin moral. Më e pakta që Olta Xhaçka duhet të bëjë, është të japë dorëheqjen. Ajo nuk ka asnjë shans t’i fshihet drejtësisë, sepse lëvizjet e saj dhe të helikopterit për fushatën e Partisë Socialiste janë të regjistruar në 24 kompjutera. 100 milionë lekë të harxhuar për të përdorur si taksi elektorale helikopterin ushtarak në vetëm 2 muaj, nuk mund të fshihen dot!

Postime të ngjashme

“Koha i thërret shqiptarët për t’u bashkuar në një Besëlidhje të re”, Meta mesazh në 577-vjetorin e Besëlidhjes së Lezhës

S.B.

Brenda 15 marsit përfundon vaksinimi i mjekëve, pastaj radhën e kanë mësuesit

S.B.

“Gati pasaporta digjitale e vaksinimit”/ Rama: Përgatitje nëse vendet e tjera e vënë kusht udhëtimi

S.B.

Nis vaksinimi i të moshuarve në Durrës/ Brenda marsit përfundon vaksinimi i stafeve mjekësore dhe nis vaksinimi i mësuesve

S.B.

Lista të pastra, Rama fajëson gazetaren: Në Bruksel nuk dëgjova asnjë ultimatum, vetëm vlerësime pozitive

S.B.

Besëlidhja e Lezhës bënë bashkë shqiptarët nga Kosova, Shqipëria, Mali Zi, Maqedonia e Veriut dhe Lugina

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...