Sondazhi: Optimizmi i biznesit amerikan në Kinë kthehet në nivelet më të larta në tre vjet

Optimizmi i kompanive amerikane për kushtet e biznesit në Kinë është rikthyer, duke arritur nivelet më të larta në tre vjetët e fundit, tregoi të enjten një sondazh vjetor nga Dhoma Amerikane e Tregtisë në Shangai dhe dega për Kinën e firmës së konsulencës PwC.

 

Sipas raportit, optimizmi vjen prej rritjes së të ardhurave, si edhe zbutjes së shqetësimeve për pandeminë e COVID-19 në Kinë.

“Biznesi në Kinë e rimori veten shpejt nga mbyllja e vitit të kaluar,” vëren Ker Gibbs, president i Dhomës Amerikane të Tregtisë në Shanghai, e cila publikoi sondazhin që u krye midis mesit të qershorit dhe mesit të korrikut.

Ndër 338 kompanitë e përfshira në sondazhin e këtij viti, 78 për qind e përshkruan veten si “optimiste ose pak optimiste” në lidhje me perspektivën e tyre pesëvjeçare të biznesit, gati 20 pikë përqindjeje më shumë nga viti 2020 dhe një kthim drejt niveleve të vitit 2018.

Nga ana tjetër, 10 për qind e kompanive e përshkruan veten si “pesimiste” në lidhje me perspektivën e tyre pesëvjeçare, krahasuar me përkatësisht 18 dhe 21 për qind të të anketuarve në vitet 2020 dhe 2019.

Rreth dy të tretat e pjesëmarrësve në sondazh thanë se planifikojnë të shtojnë numrin e personelit në Kinë këtë vit, një rritje prej 31.4 për qind nga viti 2020, por 62.3 për qind e përshkruan disponueshmërinë e fuqisë punëtore si një pengesë ose një pengesë serioze për funksionimin e biznesit të tyre.

Kufijtë e Kinës mbeten të mbyllur për shumicën e vizitorëve pa lejet e duhura të punës dhe qëndrimit, dhe të gjithë ata që hyjnë duhet të bëjnë të paktën dy javë karantinë pas mbërritjes.

Related posts

Të shtënat me armë në ajër marrin jetë në Kabul, të paktën 17 të vdekur

D V

Fundoset anija më e madhe e marinës së Iranit

Redaksia

Në të gjithë botën regjistrohen rreth 5 milion viktima si pasojë e Kovid-19

N E

This website uses cookies to improve your experience. We'll assume you're ok with this, but you can opt-out if you wish. Accept Read More