Agjencia Zhurnal.mk
Shqipëri

Soreca për negociatat: Koha nuk pret, duhet të shpejtoni

Ambasadori i BE-së në Shqipëri, Luigi Soreca në një intervistë për Deutsche Welle komenton procesin e hapjes së negociatave për Shqipërinë dhe flet për paketat e ndihmave për pandeminë dhe rimëkëmbjen nga tërmeti i 26 Nëntorit 2019.

Soreca thotë se Këshilli i Përgjithshëm dërgoi një sinjal shumë të fortë për faktin se puna duhet të vazhdojë për të dy vendet deri në ditën e fundit të Presidencës Gjermane.

“Si për Shqipërinë ashtu edhe për Maqedoninë e Veriut, shtetet anëtare janë të gatshme të miratojnë atë që ne e quajmë kornizën e negociatave. Një prej tyre  e ka bllokuar, për fat të keq, këtë miratim për Maqedoninë e Veriut, ndërsa teksti i kornizës negociuese për Shqipërinë është pranuar nga të gjithë. Pra, nëse do të ketë ndonjë zgjidhje të mosmarrëveshjes dypalëshe në lidhje me Maqedoninë e Veriut, atëherë të dy kornizat negociuese ende mund të miratohen ende para fundit të vitit”, shprehet Soreca.

Thirrja e Konferencës Ndërqeveritare është tjetër gjë, miratimi i kornizës negociuese është kushti për të thirrur Konferencën Ndërqeveritare, sqaron ambasadori. Duke përmendur Gjykatën Kushtetuese, ai thotë se javë t e fundit ka bërë disa herë thirrje që Këshilli i Emërimeve në Drejtësi të përshpejtojë punën në lidhje me vlerësimin dhe renditjen e kandidatëve në tre pozicionet e hapura.

“Me sa kam kuptuar në ditët në vijim do të ketë takime të Këshillit – KED – dhe është e rëndësishme që KED të dalë me një listë që do t’u dërgohet dy autoriteteve emëruese, Presidentit të Republikës dhe Parlamentit për emërime”, shpjegon Soreca duke theksuar se diçka e tillë është e mundur para fundit të vitit, nëse puna përshpejtohet. Më tej, ambasadori përmendi Ligjin zgjedhor duke identifikuar në këtë çështje dy nënelemente, njëri nga të cilët ka të bëjë me opinionin e Komisionit të Venecias që publikohet në 10 dhjetor dhe tjetri, është zbatimi konkret i Ligjit Zgjedhor në funksion të zgjedhjeve, të cilat do të zhvillohen në 25 prill.

“Këto gjëra duhet të zhvillohen, duhet të përshpejtohen”, thotë Soreca, “le të shohim se ku jemi deri në fund të vitit para se të mbarojë Presidenca Gjermane”.

Postime të ngjashme

Qyteti i Vlorës i gatshëm për sezonin veror, pritet trefishim i turistëve

Dafina Vidishiqi

Sot votohet për kryetarin e PD-së, Lulzim Basha me tre kundërkandidatë

Dafina Vidishiqi

Nis procesi i votimit në PD/ Vokshi voton në selinë blu

Zekirija Haxhiu

Rama: PS nuk do të mbrojë askënd nëse drejtësia kërkon llogari nga ai

Zekirija Haxhiu

Fundi i maratonës së Gramoz Ruçit

Dafina Vidishiqi

Kongresi, vendimet e rëndësishme që morën 3000 delegatët socialistë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...